Charter Document - 03860023
| Charter Number: | 03860023 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | |
| Date: | 1130 |
| Date type: | Assigned |
| Resource Link(s): |
Monasterium.net |
Charter:
Hic mons [Gottwicensis] [] septem ecclesiis decoratur quia septem donis spiritus sancti sublimatur In uno quippe iugo celo contiguo gestat ecclesiam sancti Georgii martyris honore constructam cui inclusa cum edificiis suis coniungitur aliam in excelsa rupe in honore sancte Erindrudis virginis erectam cui habitaculum hospitum copulatur Tertia in planitie sui in honore sancte Marie perpetue virginis sustollitur que et principalis cernitur et octo altaribus insignitur cui claustrum fratrum connectitur Quartam in honore sancti Benedicti erigit cui domum infirmorum subicit Quinta est peribolus in honore sancti Iohannis baptiste constructus capitulo fratrum coniunctus Sexta item est peribolus in honore sancti Nicolai consecratus precelse turri innixus Septima in radice montis in honore sancti Blasii dedicata iuxta rivulum preter fluentem posita ubi et est habitatio sororum et mansio fratrum in pistrino servientium Et quia nostra congregatio ad octo beatitudines festinat nunc octavam in honore sancti Gotehardi edificat