Charter Document - 03860012

Notum sit omnibus Christi fidelibus qualiter ego Ovdalricus dei gratia Pataviensis episcopus parrochiam ad Chuliub cum antiquitus prefixis terminis eius quam pie memorie episcopus Altmannus super altare sancte Marie in monte Kotwigensi delegavit et providendam fratribus eiusdem loci commisit ob spem eterne mercedis ecclesiastica auctoritate confirmavi et ne quisquam eorum quorum predia infra eundem terminum iacent aliquid ex eis infringere aut immutare audeat vel imminuere valeat sigilli mei inpressione signavi Hic est ergo terminus eiusdem parrochie versus occidentem inter allodium marchionis Liupoldi et quorundam nobilium descendens a montanis in Cebirmar inde ad Smidibach iuxta quem rivum ascendit ad villam Smidibach inde vadit Sceit ad rivum Heimonis de hinc ad Moissinbach quem descendit ad villam Huriwin et hunc usque ad Sirnicham quem descendit ad Radwanasbach et hunc ascendita usque ad tumulum qui excrevit super Wagrein inde eandem altitudinem vadit ad caput Edilize inde ad proximum montem qui pertinet ad Houistetin hinc descendit iuxta Chrebizbach in Pielaha quem transit recto limite ad Scintilecca inter duo allodia marchionis Otachari et Piligrimi inde recta linea ad Richinsceit deinde ad caput Pielaha inde per altitudinem montanam transit super Steinberch et de Steinberch inter duo allodia marchionis Liupoldi et quorundam nobilium revertitur in rivum Cebirmar Quicquid infra hec culti et inculti iacet ad parrochiam Chvliub pertinet Si quis igitur ex huius termini decimatione quam Altmannus pie memorie et ego Ovdalricus dei gratia episcopus sancte Marie et fratribus deo in Kotwigensi loco militantibus contulimus et firmavimus aliquid abstulerit inminuere vel infringere temptaverit vinculo sit anathematis obligatus ac nisi cito resipuerit divini iudicii examinatione sit perpetuo dampnatus