Charter Document - 03860002
| Charter Number: | 03860002 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1066 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clementia rex Omnibus Christi nostrique fidelibus tam futuris quam presentibus notum esse volumus qualiter nos per interventum ac peticionem fidelium nostrorum Sigefridi videlicet Mogontini archiepiscopi et Sigehardi cancellarii cuidam Livtwino servienti fidelis nostri Ratbotonis in loco Terniel dicto II mansos in pago Ostrich in marcha Ernvsti marchionis sitos cum omnibus appendiciis suis hoc est utriusque sexus mancipiis vineis agris pratis campis pascuis silvis venationibus terris cultis et incultis aquis aquarumve decursibus molis molendinis piscationibus exitibus et reditibus viis et inviis quesitis et inquirendis omnique utilitate in proprium dedimus confirmamus perpetuo iure possidendum concessimus ea videlicet ratione ut nullus successorum nostrorum imperator sive rex dux marchio vel comes aut alia aliqua maior vel minor persona sibi auferre alienare aut ullo modo presumat inquietare sed ipse Livtwinus eiusque posteri liberam inde potestatem habeant tenendi commutandi vel quicquid placuerit faciendi Et ut hec nostra regalis traditio stabilis et inconvulsa omni permaneat evo hanc cartam scribi et sigilli nostri impressione manu nostra corroboratam iussimus insigniri Signum domni Heinrici quarti regis Sigehardus cancellarius vice Sigefridi archicancellarii recognovi Data anno dominice incarnationis MLXVI indictione IIII anno autem ordinationis domni Heinrici quarti regis XIII regni X actum Gozlare amen