Charter Document - 03860001
| Charter Number: | 03860001 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Royal |
| Charter Type(s): | Gift |
| Date: | 1058 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clementia rex Omnibus Christi nostrique fidelibus tam futuris quam presentibus notum esse volumus qualiter nos ob interventum ac petitionem dilectissime genitricis nostre Agnetis imperatricis auguste cuidem fideli nostro Cvono dicto decem regales mansos in villa Gvzbretdesdorf et deorsum Svarzaha et si ibi aliquid defuerit sursum Svarzaha adimplendos in marcha Karentana et in comitatu Otacheres marchionis sitos cum omnibus suis pertinentiis hoc est areis edificiis terris cultis et incultis agris pratis pascuis campis silvis venationibus aquis aquarumque decursibus molis molendinis piscationibus exitibus et reditibus viis et inviis quesitis et inquirendis seu cum omni utilitate que ullo modo inde provenire potest in proprium dedimus atque tradidimus ea videlicet ratione ut predictus Cvono de prefato predio sibi a nobis tradito liberam dehinc potestatem habeat tenendi dandi vendendi commutandi precariandi posteris relinquendi vel quicquid sibimet placuerit inde faciendi Et ut hec nostra regalis traditio stabilis et inconvulsa omni permaneat evo hanc paginam inde conscribi manuque propria ut subtus videtur corroborantes sigilli nostri impressione iussimus insigniri Signum domini Heinrici quarti regis Gebehardus cancellarius vice Liutboldi archicancellarii recognovi Data VII kalendas novembris anno dominice incarnationis MLVIII indictione XI anno autem ordinationis domni Heinrici quarti regis V regni vero III actum Wizenbvrch in dei nomine feliciter amen