Charter Document - 03850076
| Charter Number: | 03850076 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1297 |
| Date type: | Internal, A.D., Papal |
| Resource Link(s): |
Monasterium.net |
Charter:
Vniuersis sancte matris ecclesie filijs ad quos presentes littere peruenerint nos dei gratia frater Basilius Jerosolimitanus Sabbas Militensis frater Jacobus Milopotonensis Georius Sardenensis Ildebrandus Aretinus frater Jacobus Calcedonie Stephanus Opidensis et frater Romanus Crohensis episcopus salutem in domino sempiternam Licetis de cuius munere uenit ut sibi a suis fidelibus digne ac laudabiliter seruiatur de habundancia pietatis sue merita supplicum excedens et uota bene seruientibus multo maiora tribuat quam ualeant promereri desiderantes tamen domino reddere populum acceptabilem fideles Christi ad complacendum ei quasi quibusdam allectiuis muneribus indulgencijs videlicet et remissionibus inuitamus vt exinde diuine gracie reddantur apciores Cum igitur ut monasterium sancti Lamberti de Altenburch ordinis sancti Benedicti Patauiensis dyocesis congruis honoribus frequentetur et a Christi fidelibus iugiter ueneretur omnibus uere penitentibus et confessis qui ad ipsum monasterium singulis diebus dominicis et festiuis causa deuocionis et in spiritu humilitatis accesserint aut manus adiutrices porrexerint aut in extremis laborantes aliquid de bonis suis dicto monasterio legauerint seu donauerint jnsuper quocienscumque et quandocumque religiosus vir [] abbas monasterij supradicti missam sollempniter celebrauerit seu uerbum domini predicauerit eis qui premissis interfuerint similiter dum rectores parrochialis ecclesie que est annexa monasterio prelibato seu eorum vicarij infirmos cum corpore Christi uisitauerint qui eos comitati fuerint oraciones suas ibidem dicendo nos de omnipotentis dei misericordia et beatorum Petri et Pauli apostolorum atque omnium sanctorum eius auctoritate confisi singuli nostrum singulas dierum quadragenas de iniunctis sibi penitencijs dummodo consensus diocesani ad id accesserit misericorditer in domino relaxamus In cuius rei testimonium sigilla nostra presentibus duximus appendenda Datum Rome anno domini MCC nonagesimo VII pontificatus domini Bonifacij pape octaui anno tercio Frater Basilius Jerosolimitanus archiepiscopus Sabbas Militensis Frater Jacobus Millopotonensis Georgius Sardenensis Ildebrandus Aretinus Frater Jacobus Calcedonie Stephanus Opidensis Et frater Romanus Crohensis