Charter Document - 03850070
| Charter Number: | 03850070 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1294 |
| Date type: | Internal, A.D., Feast |
| Resource Link(s): |
Monasterium.net |
Charter:
Cvm litterarum testimonia lites exterminent pullulantes ego Hertwicus dictus Wiltpergarius de Lindenberch notum facio vniuersis tam presentibus quam futuris hanc litteram inspeeturis quod ego cum consensu et fauore vxoris mee domine Agnetis et filiorum meorum Heinrici et Engelberti ac filiarum mearum iam adultarum Agnetis et Sophie et omnium heredum meorum beniuola voluntate beneficium vnum in Strenich situatum in quo personaliter residebam quod etiam me iure proprietario contingebat venerabilj domino Walchuno abbati et conuentui ecclesie sancti Lamberti in Altenburch pro octoginta duobus talentis denariorum Wiennensium cum iure tam proprietario vendidi quam ciuili dictam proprietatem apud Egenburgam ad manus dominj Syfridi prioris de Altenburch nomine sue ecclesie pleno iure meo vna cum vxore mea et liberis libere resignando promittens eidem cum iam predictis fide data quod secundum omnem formam iusticie et terre consuetudinem si necesse fuerit omnem defensionem dicto beneficio in Strenich exhibendam ad certa tempora prestare debeam et velim monasterio supradicto Insuper consobrinos videlicet dominum Heinricum Cinkonem et fratrem suum Walbrunum qui etiam huic vendicioni mee fauorabiliter annuerunt fideiussores eidem ecclesie do et constituo et ad eadem tempora defensores eo modo quod vna nobiscum mecum videlicet cum vxore mea et pueris meis prehabitis si memorata ecclesia repulsam in ipso beneficio perpessa fuerit indempnem eam in omnibus reddere teneantur quod et ipsi sub laudamento sue fidei michi et dictis fratribus in Altenburch promiserunt Vt autem predicta omnia firmitatis perpetue vigorem contineant et valorem in evidens testimonium premissorum presentes litteras inde confectas prenominate ecclesie sancti Lamberti in Altenburch et fratribus ibidem tradidi quas quia sigillo proprio carui ad clariorem memoriam veritatis procuraui et impetraui sigillorum tam dominj mei de Meissowe marschalci Austrie quam etiam domini Heinrici Cinconis consobrini mei predicti munimine firmiter roborari Huius rei testes sunt dominus Stephanus de Meissowe supradictus dominus Meinhardus de Stalekke dominus Otto de Newurburch dominus Wolfhardus et dominus Fridericus de Durrenpach dominus Wolfgangus de Newendorf dominus Heinricus de Pach dominus Vlricus dictus Gaizpach milites Heinricus frater meus de Wiltperch jtem Heinricus filius suus Heinricus Dahpech Engelbertus de Grueb Gotschalcus de Vronhouen item Gotschalcus filius suus Wichardus senior et Wichardus junior de Peugen Engilbertus Stainpeche Albero et Loutwinus fratres de Vuenvelde jtem Levtwinus de Wolfpaizzinge Otto de Meizleindorf Vlricus de Lindenberch Heinricus filius suus Vlricus Cinco de Sahsendorf Ortlinus de Newendorf Ortolfus de Stocharn Heinricus et Chunradus filii eiusdem Hugo de Molt Fridericus Zobel de Shirneinsrevt Perchtoldus frater suus Albero de Walkerstain et alij quam plures Datum et actum in Egenburga anno dominj MCC nonagesimo quarto jn die sanctorum Pangracij et sociorum eius