Charter Document - 03850050

Nos Stephanus de Meissowe marschalcus Austrie tenore presencium profitemur quod cum venerabilis dominus Walchunus abbas in Altenburch villicum suum Chunradum de Sancta Margareta pro suis excessibus captivasset et eundem emendatum ac etiam per nos sibi postea reconciliatum liberum dimisisset dictus Chunradus colonus et villicus abbatis memorati promissionem talem tam domino suo quam etiam nobis coram viris fecit ydoneis fide data quod nuncquam per se neque per aliquam personam interpositam ipse cum omnibus suis amicis attemptare presumat monasterium in Altenburch vel personas dicti monasterij siue bona eorundem vbicumque locorum sita vel etiam illos qui captiuitati sue interfuerunt et ad illam auxilium et consilium prestiterunt sev etiam possessiones et bona ipsorum vbicumque locorum posita verbis vel operibus de cetero molestare Ad cuius promissionis fedus inviolabiliter obseruandum fideiussores triginta quinque nobis et ecclesie in Altenburch predicte constituit vna secum qui vnanimiter omnes ad hoc se bona voluntate obligauerunt etiam fide data quod si per Chunradum prelibatum vel per amicos suos fedus nobiscum initum siue laudamentum promissi huius corrumpatur vel aliquo modo infringatur quod infra dies quatuordecim statim vt eis intimatum fuerit dampnis siue grauaminibus dicte ecclesie in Altenburch prius depositis domini abbatis et nostram indignacionem non negligant mitigare Quod si non fecerint infra terminum iam predictum omnes et singuli ciuitatem in Horn die sequenti subintrare festinent omnibus pretermissis inde nuncquam exituri quo vsque centum talenta pretaxate ecclesie in Altenburch et nobis fuerint contributa Si autem vnus fideiussorum vel duo vel plures vel certe Chunradus villicus per mortem de medio sublatus fuerit vel causa alia legittima impeditus et heredes Chunradi vel amici culpam presumpserint imposterum innouare fideiussores ceteri ad premissa omnia integraliter exequenda nichilominus teneantur Sunt autem fideiussores Marquardus de Hag Vreitlo de Gesuende Chunradus Ponhalm Reimboto Freol Chunradus de Grueb Fridericus ibidem Heinricus de Sancta Margareta Gotschalcus Rudolfus Sewer Vlricus molendinator Engelshalcus Fridericus Heinricus frater villici Dittricus ibidem Heinricus Fridericus et Heinricus de Veilendorf Heinricus Puchler Ortolfus Otto Reinwardus de Radwanstorf Meinhardus Marquardus Heinricus de Eryhendorf Chunradus Fridericus de Hetzleinstorf Heinricus de Evinge Chunradus de Prunsleinstorf Engelschalcus Chunradus de Linsperge Dittricus de Chuonratstorf Rudolfus Sartor de Sancto Ypolito Chunradus de Oberahoven Chunradus Seber In cuius rei testimoninm tam sigillo nostro quam etiam sigillo Reimbotonis dicti Frevl qui etiam huius cause vna nobiscum sollicitus exstitit complanator presentem litteram conscriptam communiri fecimus et pro euidenti memoria ecclesie in Altenburch tradidimus supradicte Testes sunt Heinricus de Wiltperch Gotschalcus de Fronhouen Vlricus Grueber Otto frater suus Chunradus Sultzer Vlricus Wienner Vlricus Star Ditmarus de Altenburch et alij quam plures Actum et datum in Altenburch anno dominj MCCXC jn die sancte Margarete virginis gloriose