Charter Document - 03850047
| Charter Number: | 03850047 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1289 |
| Date type: | Internal, A.D., Feast |
| Resource Link(s): |
Monasterium.net |
Charter:
Quoniam ea que pro animarum remediis dei fiunt intuitu magna propter obliuionem hominum roboris indigent firmitate hinc est quod ego Elysabeth de Hollenstain cunctis Christi fidelibus cupio fore notum quod ego instinctu dei monita eterna bona desiderans rebus temporalibus comparare cum consensu et voluntate beniuola nobilis domini Hartmanni mariti mei dilecti ac cum fauore bono Cerronis nostri filij karissimi curiam meam in Suelinges sitam ad me iure hereditario pertinentem in proprietatem ecclesie sancti Lamberti in Altenburch pro salute anime mee ac etiam mariti mei superius memorati omniumque nostrorum progenitorum remedio ad censum decem denariorum in festo sancti Lamberti annis singulis soluendorum cum omnibus suis adtinenciis liberaliter resignaui et tam dominus maritus meus iam predictus quam etiam filius noster prelibatus se obligant vna mecum et hoc ipsum presentibus compromittunt quod omnem defensionem secundum formam iusticie supradicto monasterio velint vna mecum de premissa curia contra impetentem quemlibet exhibere Censum vero Albertus dictus auunculus qui ciuile ius a nobis comparatum sua pecunia in curia memorata possidet statuto sibi die persoluere tenetur si emendam euadere voluerit qua secundum terre consuetudinem et iuris ordinem census debiti detentores generaliter puniuntur autem hec mea legacio siue donacio rata et firma permaneat omni euo et vt omni impetenti perpetuum silencium de cetero imponatur in euidens testimonium premissorum pariter et cautelam sepedicto monasterio in AItenburch presentem litteram tradidi sigillorum nostrorum tam domini mariti mei quam etiam sigilli proprij munimine roboratam Huius rei testes sunt dominus Albero dictus Struno de Svartzenowe Vlricus frater suus dominus Fridericus dictus Waltsrat Fridericus de Eyrichs Vlricus et Ortolfus fratres eius Albertus Albero Herbordus fratres dicti Gerstner Heinricus Pernharstorfer Johannes consobrinus eius Welez de Patzmanstorf Gotschalcus de Fronhoven Engilbertus de Chrug Vlricus et Otto fratres de Grueb Chunradus Sultzer Vlricus Wienner Vlricus dictus Star Ditmarus de Altenburch et alij quam plures Actum et datum in Hollenstain anno domini MCCLXXXVIII jn die sancti Cholomannj