Charter Document - 03850046
| Charter Number: | 03850046 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1289 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Rapoto et Erchenbertus fratres purchcrauij in Gors notum facimus vniuersis tam presentibus quam futuris hanc litteram inspecturis quod venerabilis dominus Chunradus abbas in Altenburch nomine ecclesie sue comparauit vnum beneficium in Celderndorf situm aput Tyemonem de Pukkendorf pro viginti sex talentis denariorum Wiennensium quod ad ipsum iure proprietario pertinebat et ex eo vendidi liberam habuit potestatem cuius beneficij proprietatem idem Tyemo cum super altare sancti Lamberti in Altenburch resignasset manu propria presentibus probis viris quarta die postea in Gors veniens in nostra presencia prelibato domino abbati pro defensione proprietatis beneficij eiusdem se ipsum et fratrem suum Chunradum et Ottonem consobrinum ipsorum fideiussores constituit vna secum qui duo beniuola voluntate pro eo et cum eo omriem defensionem quam proprietatis exigit ius secundum consuetudinem et iusticiam huius terre communem ecclesie Altenburgensi prenominate promiserunt fideliter exhibere immo se ad hoc fide data firmiter obligarunt quod omne dampnum si quod ex impeticione alicuius pro eodem beneficio ecclesia prelibata perpessa fuerit ipsi satisfacere debeant atque ad interesse eidem ecclesie modis omnibus teneantur Preterea quia Tyemo predictus idem beneficium ante annum vix alterum dimidium ab Ottone Nevnekkario de Pulka comparauerat qui Otto eciam tunc in nostra presencia constitutus quod eidem Tyemoni se et fratrem suum Chunradum pro defendenda proprietate ipsius beneficij secundum ius et terre huius consuetudinem obligasset cum fuisset publice protestatus precibus supradicti dominj abbatis invitatus venit in Altenburch vbi instinctu dei monitus eiusdem loci fratrum orationibus se deuotius recommendans etiam pro salute anime sue et parentum suorum proprietatem prescripti beneficij super altare sancti Lamberti ibidem voluntarie resignauit promittens et ad hoc fide data se obligans quod tam ipse quam et frater suus ex nunc et de cetero ad certos annos secundum omnem formam iusticie et terre consuetudinem generalem defensionem eiusdem beneficij debitam et fidelem multo libencius et fidelius vellent ecclesie prelibate quam Tyemoni prenominato imposterum exhibere Ne igitur imposterum de hoc facto dubium alicuj possit esse immo vt omnj calumpniose impetenti via de cetero sit preclusa in evidens testimonium premissorum presentes litteras inde confectas ecclesie in Altenburch supradicte tradidimus sigillorum nostrorum munimine roboratas Cum nominibus testium subnotatis qui sunt dominus VIricus Merczo et filius suus Otto dominus Otto Grecus et frater suus Heinricus dominus Heinricus Grazzer de Pulka Otto Nevnekker et Chunradus frater suus Heinricus Wiltperger Lautwinus gener suus de Wolfpaizzinge Chalhardus de Fuenveld Heinricus Dachpech Chunradus de Sancta Maria Otto Durrenpach Herwicus de Plenich Albero Walkerstainer Ludwicus seruitor castri Chunradus Moser Fridericus Gartner de Gors Pilgrimus balneator Heinricus Rousb ibidem Vlricus de Fukkla Titmarus Wolfkerus Vlricus Wienner famuli abbatis et alij quam plures Actum et datum in Gors anno dominj MCCLXXXIX in die sancti Pauli primi heremite