Charter Document - 03850045
| Charter Number: | 03850045 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1289 |
| Date type: | Internal, A.D. |
| Resource Link(s): |
Monasterium.net |
Charter:
Wernherus dei gratia ecclesie Patauiensis episcopus venerabili fratri Chvnrado abbati ac dilectis in Christo conuentuj de Altenburch salutem et sinceram in domino caritatem In nostra proposuistis presencia quod cum dilectus in Christo Levpoldus plebanus de Nevnchiricho atque antecessores ipsius in bonis vestris vestro monasterio adiacentibus scilicet in Altenbvrch in Fokkla in Hagleiten in Svltz in Weyden in Pvrgerwisen circa Chambam et in Pheffing quasdam decimas maiores et minutas et alias proprietates et etiam ius parrochiale haberent vos considerantes vobis et vestro monasterio decimas proprietates et iura huiusmodi comodosa de consensu magnificj principis illustris domini Alberti ducis Austrie ipsius ecclesie in Nevnchirichn patronj ea a dicto plebano et ecclesia in Nevnchirichen exemistis dando sibi curiam villicalem et quatuor areas in villa in Nevnchirichen et aream vnam in Pevgen et agrum in Nevnchiriehen permutationis tytulo pro eisdem quas etiam possessiones idem plebanus sue reputabat ecclesie melius expedire quare petiuistis a nobis vt dignaremur permutationem huiusmodj confirmare Nos igitur vestris petitionibus fauorabiliter annuentes attendentes etiam eam vtrique ecclesie expedire ipsam auctoritate ordinaria in nomine domini confirmamus In cuius rej perpetuam memoriam presentes damus litteras sigillj nostrj munimine roboratas Datum Wienne anno domini MCCLXXXVIIII VI Idus Aprilis