Charter Document - 03850037
| Charter Number: | 03850037 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1287 |
| Date type: | Internal, Calendar, Episcopal |
| Resource Link(s): |
Monasterium.net |
Charter:
B dei gratia Patauiensis ecclesie episcopus omnibus presentes literas inspecturis salutem in domino Quia Andreas qui se pro plebano ecclesie in Rorenpach gerit lite durante inter ipsum et abbatem de Altinburch super eadem ecclesia multis edictis ad nostram peremptorie presentiam euocatus non comparuit nec se per responsalem ydoneum excusauit nec contra constitucionem nostram publice desiit cohabitare et ipsam ecclesiam ab F quondam imperatore excommunicato dicitur recepisse nec iuxta mandatum nostrum in celebratione ordinum nostrorum apud Wiennam comparuit ordinandus et pro omnibus illis uinculis excommunicationis sit ligatus et ita beneficiis ecclesiasticis inhabilem se reddiderit et indignum conmunicato consilio prefatum abbatem ne diutius ecclesiam suam fatiget laboribus et expensis ipsi possessionem iamdicte ecclesie ne ulterius prouisore careat in dispendium animarum duximus assignandam tenore presentium districte precipientes quatenus sibi plebs eadem per uicarium quem ibidem suo nomine duxerit ordinandum in omnibus obediat tamquam legitimo pastori animarum suarum prouiso tamen quod uicarius quem memoratus abbas locauerit in ecclesia prelibata competenti prebenda gaudeat et honesta In quorum omnium euidentiam pleniorem sibi presentes literas sigilli nostri muni[mine] tradidimus conmunitas Datum Wienne Kalend Januarij pontificatus nostri anno secundo