Charter Document - 03850035
| Charter Number: | 03850035 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1286 |
| Date type: | Internal, A.D., Feast |
| Resource Link(s): |
Monasterium.net |
Charter:
Vt facta hominum firmiora permaneant roborari ea conuenit proborum virorum testimoniis et apicibus litterarum Hinc est quod nos Stephanus de Meissowe marshalcus Austrie notum facimus vniuersis tam presentibus quam futuris hanc litteram inspecturis quod dominus Chunradus venerabilis abbas ecclesie Altenburgensis aput Nicolaum de Drezscedels dimidium beneficium in Celderndorf situm quod ad ipsum iure proprietario pertinebat et ex eo vendendi hoc ipsum habebat liberam potestatem pro nouem talentis denariorum Winnensium comparauit et hoc factum est presentibus et consentientibus benivola uoluntate huic vendicionj fratribus iam predicti Nicolai Jacobo videlicet et Wezelone ac etiam sorore sua domina Margareta necnon domino Ortolfo auunculo suo de Shiltarn qui predicte vendicionis auctor extitit et interfuit vbi tam ipse Nycolaus quam etiam fratres sui predicti eiusdem dimidij beneficij proprietatem super altare sancti Lamperti manibus propriis resignantes promiserunt firmiter vna cum ipso Ortolfo iam predicto quod easdem possessiones eidem ecclesie velint defendere sicut ordo iuris expostulat et requirit Ne autem imposterum de hoc facto alicuj dubium possit esse immo vt etiam omni calumpniose impeticioni possit ipsa veritas securius obuiare nos presentes litteras super huiusmodi vendicionis ac emptionis contractu facientes conscribi prelibate ecclesie in Altenburch et fratribus ibidem deo seruientibus in viuacem memoriam premissorum tradidimus consignatas sigilli nostri munimine et firmatas cum nominibus testium qui sunt dominus Siboto de Horn dominus Wolframmus de Stregen dominus Paulus de Roerenpach sacerdotes et plebani dominj de Liehtenekke Chunradus senior et Chunradus iunior ministeriales dominus Poppo de Peugen dominus Heinricus de Pach dominus Otto de Freitlarn dominus Albero de Shiltarn milites Ortolfus et Johannes filius suus Heinricus de Wiltperch Heinricus de Dahpah Prehtlo de Chrug Gotschalcus de Fronhoven Vlricus de Grueb Irnfridus Titmarus Albero Heinricus famuli domus Acta sunt hec anno domini MCCLXXXVI jn die sancte Potenciane virginis