Charter Document - 03850033
| Charter Number: | 03850033 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1285 |
| Date type: | Internal, A.D. |
| Resource Link(s): |
Monasterium.net |
Charter:
Ego Wolfhardus de Vendorf notum facio vniuersis tam presentibus quam futuris hanc litteram inspecturis quod de consensu et beniuola uoluntate matris mee domine Gedrudis et fratris mei Leotwini et sororum mearum videlicet Diemudis Agnetis Liebgardis et avvnculi mei Friderici de Fukela beneficium unum in Celderndorf situm quod me et coheredes predictos iure proprietario respiciebat ecclesie sancti Lamberti in Altenburch uendidi pro decem talentis denariorurn Wienensium et super altare sancti Lamberti ibidem manu propria resignaui promitteris fide data eiusdem ecclesie venerabili domino Chunrado abbati et fratribus suis quod predictum beneficium tam ego quam et mater mea domina Gedrudis et avvnculus meus Fridericus de Fukela et ceteri coheredes mei predicti contra omnem impetentem defendere et omnem formam iusticie quam pro confirmacione iuris proprietarii ius expressum edocet obseruare debeamus Quia uero coheredes mei predicti non dum annos discrecionis adtigerunt prenotatus avvnculus meus Fridericus et soror eius mater mea domina Gedrudis vna mecum specialiter pro eisdem meis coheredibus vt predicti beneficii vendicionem ratam habeant et eum ad annos discrecionis peruenerint vt de iure tenentur ecclesie memorate defendant sicut ius expostulat spoponderunt Et hanc sponsionem singularem siue fideiussoriam caucionem ad manus domini Heinrici militis de Grazze fecimus per quem eciam pagati fuimus de pecunia pro beneficio memorato Preterea adiectum est etiam in contractu et tam ego quam et mater mea et ceteri coheredes mei promisimus bona fide et presenti scripto nos obligamus quod si predicti beneficii proprietas a quoquam imposterum impetita fuerit et deuicta per iusticiam quod non credimus tunc omni contradictione postposita per equeualentes possessiones ecclesiam prelibatam indempnem reddere teneamur In cuius rei testimonium euidens presentes litteras conscribi feci et easdem ecclesie Altenburgensi tradidi sigillo avvnculi mei Friderici de Fukela quia proprio carui roboratas Testes huius tacti sunt dominus Wolframus plebanus de Stregen dominus Vlricus plebanus de Molt dominus Heinricus miles de Grazze et Chunradus frater suus ibidem dominus Sighardus miles ibidem et fratres sui Vlricus Hirzo Chunradus ibidem dominus Wichardus miles de Rietental Vlricus de Velebrun Heinricus Oehslo Hartlibus Oehslo Gotschalcus de Vronhouen Chunradus ibidem Vlricus de Fukela et alii quam plures Acta sunt hec in Altenburch anno domini MCCLXXXV jn kathedra sancti Petri