Charter Document - 03850031
| Charter Number: | 03850031 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1284 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Stephanus de Meyssawe marskalcus Austrie notum facimus vniuersis tam presentibus quam futuris hanc litteram inspecturis quod cum dominus Chunradus miles dictus Dremel de IIymperch diem messionis extreme aliquibus uellet operibus misericordie preuenire instinctu dei monitus ob salutem et remedium anime sue et uxoris sue domine Jutte et ob remedium anime dilecti filij sui Chunradi defuncti et sepulti aput ecclesiam sancti Lamberti in Altenburch et omnium progenitorum suorum curiam suam in Roehrenpach circa ecclesiam situatam quam iure proprietario aput VIricum dictum Peugarium iam dudum comparauerat et pacifice possederat multis annis ad eandem iam predictam ecclesiam sancti Lamberti in Altenburch delegauit et ad manus domini Chunradi venerabilis abbatis eiusdem ecclesie adhuc uiuens et sanus deliberacione prehabita voluntate beniuola resignauit tali condicione adiecta quod seruicium curie supradicte suis usibus reseruare uelit ad tempora uite sue ipso uero solo de medio sublato et uiam uniuerse carnis ingresso iam prelibata ecclesia Altenburgensis et fratres ibidem deo seruientes de eadem curia se statim debeant intromittere perpetuo possidenda Vt autem hec sua legacio firma maneret in posterum et nullius possit calumpnia retractari postulauit a nobis prenominatus miles dominus Chunradus quatenus donacionem suam ecclesie Altenburgensi per nostra uelimus litteras confirmare Quia uero nos eandem ecclesiam in omnibus iuribus suis defendere et promouere aduocacionis titulo tenebamur nos ipsius peticionibus annuentes in euidens testimonium premissorum presentes litteras conscribi fecimus et easdem prelibate ecclesie Altenburgensi dedimus sigilli nostri robore communitas Huius rei testes sunt dominus Siboto plebanus de Horn dominus Wolframus plebanus de Stregen dominus Paulus plebanus de Roerenpach frater Heinricus de domo sancti Johannis in Wien dominus Adloldus de Cheyawe et filius suus Heinricus dominus Ortolfus de Praytenaich dominus Vlricus dictus Marcius de Chotzendorf dominus Heinricus de Pach dominus Poppo de Peugen Isenricus de Hymperch Prvno ibidem Heinricus de Dochpach Heinricus de Wiltperch Gotschalcus de Vroenhouen Heinricus de Walkerstain Datum in Horn anno domini MCCLXXXIIII in die sancti Georij martiris