Charter Document - 03850028
| Charter Number: | 03850028 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1283 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Prunricus iudex de Leubs vniuersis notum fierj cupio tam presentibus quam futuris presentes litteras inspecturis quod cum inter venerabilem dominum Chunradum abbatem de Altenburch et ipsius conuentum ex una parte et ex altera parte inter heredes Heinrici Ratisponensis et vxoris sue domine Reichze necnon et Ottonem filium Chunradi Waurstarij super quadam vinea in Zebinge in monte qui dicitur Hasler sitam quam venerabilis dominus Chunradus decanus de Hespeinsdorf et plebanus in Zwetel aput eosdem iure ciuili emerat eidem ecclesie ob remedium sue anime legauerat sempiternum predicti uero eandem post obitum suum asserentes ad se iure hereditario reuolutam questio uerteretur vtraque pars proborum uirorum consilio inducta arbitris se commisit Sane tribus a parte domini abbatis electis videlicet domino Wolframmo plebano de Stregen Poppone de Piugen Gotscalco de Wronhouen tres alij ab aduersa parte scilicet ego Prunricus iudex et Albertus frater meus Otto Wildunch de Haundorf pro arbitris eliguntur Qui tanquam uiri discreti pari consensu sunt taliter arbitrati vt dominus abbas Heinrico Ratisponensi et suis heredibus Prunrico Laurentio Vlrico Lautvvino Ditrico Rudperto Elizabeth necnon et Ottonj filio Chunradi Forstarij det sex talenta Wiennensis monete et ipse ac fratres eiusdem ecclesie eandem vineam possideant amodo pacifice ac quiete hoc adiecto quod Ratisponensis ac sui heredes eidem ecclesie vineam sepedictam iuxta iuris communis formam defendere debeant quod et facere promiserunt Ne autem huiusmodi arbitrium valeat ab aliquo inposterum irritari vel eidem ecclesie possit aliqua calumpnia suboriri predicte ecclesie presentem litteram tradidi sigilli mei munimine roboratam Cum testibus subnotatis qui sunt Wolframmus plebanus de Goboltspurch Chunradus plebanus de Liubs Poppo de Piugen Gotscalcus de Wronhouen Albertus Fridericus Waltherus fratres iudicis de Liubs Chunradus Forstarius Heinricus Ratisponensis cum filiis prenominatis Otto Wildunch de Haundorf Albero Chunradus Carintianus Dietlo Heinricus Chunradus Cistler Heinricus frater suus Vlricus Heinricus Armevsel Tiemo Ernestus Heinricus Ductor Heinricus Hospes Walchunus Herbordus Heinricus officialis Vlricus Fridericus Otto frates eiusdem et alii quam plures laici fide digni Acta sunt autem hec in Leubs anno domini MCCLXXXIII in vigilia assumptionis virginis gloriose