Charter Document - 03850027
| Charter Number: | 03850027 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1283 |
| Date type: | Internal, A.D. |
| Resource Link(s): |
Monasterium.net |
Charter:
In nomine patris et filii et spiritus sancti amen Vt facta hominum firmiora permaneant roborari ea convenit proborum virorum testimoniis et apicibus litterarum Hinc est quod nos Stephanus de Myssawe marschalcus Austrie notum facimus vniversis hanc litteram inspecturis quod dominus Chunradus venerabilis abbas ecclesie Altenburgensis aput Nicolaum de Drezzediles nostrum seruitorem comperauit dimidium beneficium in Celdreindorf situm quod ad ipsum iure proprietario pertinebat et ex eo vendendi hoc ipsum habebat liberam potestatem pro decimo dimidio talento denariorum Wiennensium et hoc factum est presentibus et consentientibus benivola voluntate huic vendicioni fratribus iampredicti Nicolai videlicet Jacobo et Wezelone et consobrino suo Heinrico marito domine Margarete sororis sue quem ipsa domina Margareta cum tunc esset debilis et infirma ad consentiendum huic vendicioni transmiserat loco sui Et tam ipse Nycolaus quam etiam fratres sui predicti vna cum consobrino suo eiusdem dimidii beneficii proprietatem super altare sancti Lamberti in Altenburch manibus propriis resignantes promiserunt firmiter quod easdem possessiones eidem ecclesie velint defendere sicut ordo iuris expostulat et requirit Ne autem inposterum de hoc facto alicui dubium possit esse immo etiam vt omni calumpniose impeticioni possit ipsa veritas securius obuiare nos presentes litteras super huiusmodi venditionis ac emptionis contractu facientes conscribi prelibate ecclesie in Altenburch et fratribus ibidem deo seruientibus inviuacem memoriam premissorum tradidimus consignatas nostri sigilli munimine ac firmatas Cum nominibus testium qui sunt dominus Wolframmus plebanus de Stregen dominus Adloldus de Chyawe dominus Ortolfus de Prateneich dominus Vlricus Martius dominus Heinricus de Pach milites Gothscalcus de Vrohoven Clemens de Steingeinstorf Albero de Walkerstein et alii quam plures Acta sunt hec in Altenburch anno domini MCCLXXXIII VIII Idus Aprilis