Charter Document - 03850024
| Charter Number: | 03850024 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1281 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Udalricus diuina miseracione abbas in Altenburch notum facimus vniuersis tam presentibus quam futuris hanc litteram inspecturis quod cum aput Heinricum Plenich alterum dimidium beneficium in Celdrendorf comperassemus iure proprietario pro triginta talentis denariorum Wiennensium nec eandem pecuniam de facultatibus nostre ecclesie persoluere haberemus nos recepta eadem summa pecunie a colono nostro Chunrado de Celdrendorf dicto Abas possessiones supradictas et easdem possessiones de consensu et bona voluntate conventus nostri quatuor locauimus iure precario quod wlgariter dicitur leipgeding que videlicet persone sunt ipse Chunradus noster colonus dictus Abas et vxor sua domina Margareta et pueri sui nominati Hugo et Margareta vt hec quatuor persone seruicium possessionem computatum ad XXX mensuras tritici et XXX mensuras ordej et XXXVI mensuras auene et talentum denariorum preter VIIII denarios et exenia cetera possideant ad tempora uite sue censum solummodo sexaginta denariorum in festo Mychahelis nobis et ecclesie nostre interim annis singulis persoluentes Quibus defunctis possessiones iam premisse omni contradictione postposita et cessante ad nostram ecclesiam libere revertantur Ceterum adiecimus hoc ex pacto quod coloni qui ciuili iure predia possident memorata coram nobis et nostris successoribus destitui et institui debeant ut est iuris Vt autem huiusmodj locationis contractus per nos et successores nostros et omnes ecclesie nostre fratres ratus et firmus imposterum observari presentes litteras conscribi fecimus et easdem Chunrado supradicto nostri sigilli munimine roboratas Cum nominibus testium qui sunt dominus Liupoldus prior dominus Chunradus cellerarius dominus Chunradus capellanus dominus Nycolaus dominus Sifridus fratres ecclesie Heinricus de Walkerstein et Albero filius suus Vlricus de Fukla Ditricus Hereticus Chunradus Karinthyanus Heinricus Tochner Albertus de Pucheleinstorf Heinricus dictus Schatawer Wernhardus de Oberneleub Chunradus de Respice et alij quam plures Acta sunt hec in Altenburch anno dominj MCCLXXXI in die sancti Vrbanj