Charter Document - 03850021
| Charter Number: | 03850021 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1279 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Heinricus de Streitwisen notum facio vniversis presentes litteras inspecturis quod pie recordationis pater meus dominus Marchardus de Streitwisen in extremis laborans et dolore nuncio finem vite sue senciens prope esse de salute anime sue sollicitus elegit aput ecclesiam sancti Lamberti in Altenburch sepulturam et in remedium anime sue ac parentum suorum eidem ecclesie et fratribus ibidem deo seruientibus delegauit in testamento dimidium beneficium in Weceleinsdorf situm quod ad ipsum iure proprietario pertinebat petens a me per dominum Adloldum de Chyawe vt hec sua legatio per consensum mevm et voluntatem benivolam firmaretur Cuius peticioni tamquam pie et rationabili consentiens ad altare sancti Lamberti in Altenburch et ad manus domini Vdalrici venerabilis abbatis iam predictum dimidium beneficium resignaui In cuius rei testimonium presentes litteras scribi feci et sigillo bone memorie patris mei nec non sigillo domini Adloldi de Chyawe quia proprio sigillo carui iam predicte ecclesie tradidi communatis Testes huius facti sunt dominus Adloldus de Chyawe et filius suus Heinricus dominus Herbordus de Steindorf Otto Vlednicer Chunradus balneator et filius suus Pilgrimus Chunradus Gnevsso et alii quam plures Acta sunt hec anno domini MCCLXXVIIII X Kalendas Januarii