Charter Document - 03850018
| Charter Number: | 03850018 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1272 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Herbordus de Steindorf notum facio vniuersis tam presentibus quam futuris presentem paginam inspecturis quod cum ego contra quosdam burgenses de Horn videlicet Liutoldum Vlricum Vlricum et Gerdrudim viduam super duobus beneficiis in Horn sitis litem mouissem et eosdem super eisdem beneficiis coram iudicio conuenissem et assererem proprietatem eorundem beneficiorum ad me iure hereditario pertinere et ipsi contra assererent quod pater meus dominus Herbordus de Steindorf cum fratre suo domino Heinrico de Steindorf cum omnibus heredibus eorum predictis ciuibus eadem beneficia libere vendidissent et ipsi ciues eadem beneficia pluribus annis quiete et pacifice possedissent ego et ipsi ciues vt super hoc aliquod medium inveniretur consilia habuimus quam diuersa tandem consilio proborum et discretorum virorum mediante dominus Vdalricus venerabilis abbas ecclesie Altenburgensis arbiter est electus qui ex consensu vtriusque partis tale protulit arbitrium vt prefati ciues quartum dimidium talentum denariorum Wiennensium michi persoluerunt et arbitrium domini abbatis sine contradictione qualibet ratum esset tali uidelicet pacto vt proprietas eorundem beneficiorum ex parte ad cenobium sancti Lamberti in Altenburch ad censum duodecim denariorum et ad parrochiam sancti Stephany in Horn ad censum duodecim denariorum ex parte altera iure perpetuo debeat pertinere In huius rei memoriam perpetue et perhennem dominus VIricus venerabilis abbas de Altenburch suum sigillum et dominus Stephanus de Missau suum sigillum cum meo sigillo presenti pagine pariter adpendebant Testes huius facti sunt Dominus Ortolfus de Runnberch dominus Chonradus et Jonfridus fratres de Puchperch Chonradus miles de Vunnvelde Ortolfus miles de Pratenach Herbordus Chunradus Vlricus fratres de Molt Heinricus de Pach Hertwicus Engelbertus Otto Heinricus fratres de Wicperch Heinricus de Walkerstein Ditricus Razzer Gotfridus Herbordus Heinricus villicus ciues de Horn et alij quam plures Acta sunt hec in Horn anno domini MCCLXXII VI Kalend Junij