Charter Document - 03850011
| Charter Number: | 03850011 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1255 |
| Date type: | Internal, A.D., Feast |
| Resource Link(s): |
Monasterium.net |
Charter:
In nomine patris et filii et spiritus sancti amen Heinricus de Merswanch Rudgerus Baltrammus fratres de Wienna vniuersis presentem paginam inspecturis salutem in perpetuum Cum super iure proprietatis XXIIII arearum foras muros ciuitatis Wiennensis in Chumphenlvche sitarum inter Reinoldum filium domine Guete de Marchartzstorf ex parte una et dominum abbatem de Altenburch et suum monasterium ex altera questio moueretur tandem nobis mediantibus a arte utraque talis composicio est recepta quod Reinoldus acceptis a domino abbate xij solidis denariorum uoluntarie cessit liti ita quod dominus abbas et suum monasteriurn predictas areas pacifice deinceps et libere ossiderent Et ne a fratribus sepedicti Reinoldi aut liberis ipsorum noua in posterum super easdem areas possit questio suboriri super hoc Rudgerus et Baltrammus fratres memorati defensores earumdem arearum Altenburgensi monasterio fide interposita se perpetuo confirmarunt Igitur ut hec composicio et defensio firma et inuiolata consistere debeat omni evo presens scriptum domino abbati et suo monasterio dedimus sigillo ciuitatis Wiennensis et nostris pariter roboratum Acta sunt hec in ciuitate Wienna anno domini MCCLV in die sancti Oswaldi Huius rei testes sunt dominus Marquardus decanus de sancto Pangratio dominus Chunradus de Grifenstein et gener suus Chunradus Pibro et filius suus Ch[unradus] dominus Perh[toldus] camerarius et frater suus Wernherus Hertwicus Circhprvochel Livpoldus notarius magistri Gerhardi plebani Wiennensis et alii quam plures