Charter Document - 03850006
| Charter Number: | 03850006 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1223 |
| Date type: | Internal, A.D., Calendar |
| Resource Link(s): |
Monasterium.net |
Charter:
Gebehardus dei gratia Patauiensis ecclesie episcopus omnibus presentem paginam inspecturis perpetuam in domino salutem Cum inter A sacerdotem de Horn et abbatem de Altenburch concertatio diutina verteretur super quibusdam prouentibus quos idem sacerdos ad suam prebendam proposuit pertinere partibus in nostra presentia constitutis vt negocii series posset cicius expediri decanum de Slivnz et plebanum de Polan arbitros elegerunt in quos fuit fide data et sub pena XX librarum ex parte abbatis et X librarum ex parte sacerdotis ad obseruationem arbitrii compromissum Qvi auditis hinc inde propositis et cavse meritis plenius intellectis arbitrium protulerunt tale videlicet quod abbas de Altenburch nomine ecclesie sue omnes decimationes habebit maiores et minores in tota parrochia Horn preter decimales denarios et septem domos quas habebit sacerdos in Moderiche inferiori tres domos in Vmbeswaiffingen unam in Praitenaich unam in Zvnchra unam in Mvluelden vnam Sacerdos singulis annis dabit sex solidos denariorum abbati tres solidos in epiphania tres in festo S Georii Arbitrio itaque prolato et a partibus recepto ad nostram presenciam denuo sunt reuersi cum instancia postulantes quatenus huiusmodi arbitrium dignaremur sibi suisque successoribus in posterum confirmare [] Nos igitur utriusque ecclesie per inspectionem priuilegiorum et approbatam consuetudinem ivre pensato cum per id quod a nobis petebatur taliter confirmari ecclesie Hornensi noua non imponeretur nec uetus pensio augeretur communicato proborum consilio ipsum arbitrium sicut prouide et sine prauitate latum fuit et a partibus sponte receptum sentencialiter diffiniuimus tam ab ipsis quam a suis successoribus inuiolabiliter obseruandum Ne autem huius nostre auctoritatis confirmacionem quisquam debeat in posterum aut ualeat infirmare presentem paginam sigilli nostri munimine decreuimus consignare Huius facti testes sunt Chalhoh de Winzir Eberhart de Johansdorf Alberet de Possinmunster canonici Patauienses Hadmar de Wesen Walther de Tanneberch ministeriales Fridericus abbas de Jerus Pilgrimus decanus de Slivnz Daniel plebanus de Polan magister Wernhardus de Sizzendorf et alii quam plures Acta sunt hec Chremis anno domini MCCXXIII quarto Nonas Marcii