Charter Document - 03850003
| Charter Number: | 03850003 |
|---|---|
| Cartulary Title: | Altenburg Stiftsarchiv Urkunden 1144 - 1943 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1210 |
| Date type: | Assigned |
| Resource Link(s): |
Monasterium.net |
Charter:
Luipoldus dei gratia dux Austrie et Stirie cunctis presentem paginam cernentibus in salutis auctore salutem perpetuam Quia uita mortalium per momentaneos defectus tamquam umbra pretereunte queque ab ipsis gesta nisi scripto mandata fuerint obliuioni facil et raduntur ea que nostris temporibus affectu pietatis acta constat placuit presenti monimento posterorum memorie sollerter commendare Notum sit itaque uniuersis Christi fidelibus quod Fridericus comes de Hohenburch pie memorie cum in extremis laboraret uillicationem suam in Vurwalde cum omnibus appendiciis suis quam proprietatis iure possederat in usus fratrum in cenobio Altenburch domino seruientium super altare beati Lamberti pro remedio anime sue per manus ministerialium suorum disposuit delegari tali uidelicet conditione ut in loco prefato in sepulcro sue matris defunctus tumularetur et a fratribus inibi diuinis officiis uacantibus tam eius anima quam parentum suorum assiduis orationibus deo commendaretur Quo defuncto et ad cenobium sepe dictum a suis delato presente Chvnrado comite de Hartekke et nostris ministerialibus quam plurimis pretaxate uillicationis delegatio et donatio quam uoluntas eius dum adhuc uiueret exnptauit per ministeriales ipsius rationabiliter completa est Nos uero prediis eiusdem F comitis absque herede defuncti quia in termino ducatus nostri sita erant secundum institutiones legum iure succedentes a supradicti monasterii uenerabili abbate Pabone iam dictam donationem probabili testimonio coram nobis testificatam dignanter approbauimus et ne quisquam inposterum quacunque occasione uel machinatione hanc nostre constitutionis paginam infringere uel uiolare presumat eam nostri auctoritate sigilli subscriptis testibus confirmare decreuimus Huius rei testes sunt Chvnradus comes de Hardekke Hugo de Wirberch Heinricus de Hertinstein et filius eius Heinricus Cholo de Steinekke Heinricus de Stritwisen Otto de Buchperch Heinricus de Tvmbinowe Pilgrinus de Swarzenowe et fratres eius Kaloch et Ortolfus Gottefridus de Ziedoltsperge Heidinricus de Gorse Chvnradus de Rietinbvrch Engilbertus de Meizzare et filius eius Hartwicus Heinricus de Dachbach Eberhardus de Chrvge et filius eius Heinricus Heinricus de Sizzendorf Vlricus de Pvgen Heinricus de Grauindorf Heinricus de Rorbach Otto Fuhs Almarus et filius eius Wichardus de Pvgin Gottefridus de Pvgin Gottefridus de Azilinsdorf Dietmarus Chozzo et filius eius Heinricus Heinricus et Dietricus de Fuccla Dietricus Grelle