Charter Document - 03840004
| Charter Number: | 03840004 |
|---|---|
| Cartulary Title: | Baden Stadtarchiv Urkunden 1285 - 1545 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1287 |
| Date type: | Internal, A.D., Calendar |
| Resource Link(s): |
Reference Document for this Embedded Document Monasterium.net |
Charter:
Universis Christi fidelibus ad quos presens scriptum pervenerit Sifridus Dei gracia Coloniensis ecclesie archiepiscopus Arnoldus Babenburgensis Fridericus Curensis Chunradus Argentinensis Sifridus Augustensis Reimbotus Eistetensis Chunradus Thulensis Bruno Brixensis episcopi salutem in Domino sempiternam Licet is de cuius munere venit ut sibi a suis fidelibus digne ac laudabiliter serviatur de habundancia pietatis sue merita supplicum excedens et vota bene servientibus multo maiora tribuat quam valeant promereri desiderantes tamen reddere Domino populum acceptabilem fideles Christi ad complacendum ei quasi quibusdam allectivis muneribus indulgenciis videlicet et remissionibus invitamus ut exinde reddantur divine gracie aptiores Cupientes igitur ut ecclesie priorum et fratrum heremitarum ordinis sancti Augustini civitatum Austrie videlicet Wienne Marhek et Paden congruis honoribus frequententur omnibus vere penitentibus et confessis qui ad dictas ecclesias in festis duplicibus causa devocionis accesserint aut illis prioribus et fratribus ad necessaria ipsorum elemosinas suas largiti fuerint vel ad fabricas ipsarum ecclesiarum seu ornamenta manus porrexerint adiutrices aut in extremis laborantes quicquam facultatum suarum legaverint nos de omnipotentis Dei misericordia et beatorum Petri et Pauli apostolorum auctoritate confisi singuli singulos quadraginta dies criminalium et annum venialium de iniunctis eis penitenciis dummodo consensus dyocesani ad id accesserit vel accedat misericorditer in Domino relaxamus In cuius rei testimonium presens scriptum sigillorum nostrorum munimine duximus roborandum Datum Herbipolim anno Domini MCCIXXXVII decimo kalendas Aprilis