Charter Document - 03820008
| Charter Number: | 03820008 |
|---|---|
| Cartulary Title: | Archiv der Erzdiözese Salzburg 1002 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 |
| Date type: | Internal, A.D., Feast |
| Resource Link(s): |
Monasterium.net |
Charter:
Gerhardus dei gracia s Sedis Magunt Archiepiscopus Sacri Imperii per Germaniam Archicancellarius et eadem gracia Syfridus Hildesheimen Hainricus Mersburgen Volgernus Minden Christanus Sambien ecclesiarum episcopi vniuersis Christi fidelibus presentem litteram inspecturis Salutem in omnium saluatore Licet is de cuius munere venit vt sibi a fidelibus suis digne et laudabiliter seruiatur de habundancia pietatis sue que merita supplicum excedit et vota deuotis suis multo maiora retribuat quam valeant promereri Tamen pia mater ecclesia de filiorum suorum quos spiritualiter genuit salute sollicita apertis thesauris suis quodam spirituali stipendio et quibusdam muneribus illectiuis indulgenciis scilicet et remissionibus consueuit Christi fideles ad zelum et cultum diuini numinis incitare Vt igitur peculiaris dei populus et merito et numero augeatur Omnibus vere penitentibus et confessis qui ad maiorem Ecclesiam in Salzburga in Cena domini et in natalicio beati Petri principis apostolorum et in festis beatorum confessorum atque pontificum Rudberti Virgilii et Augustini patronorum eiusdem ecclesie et per Octauas eorundem causa deuocionis annuatim duxerint conuenire Quique ad Missam que de beata et gloriosa virgine Maria in eadem Ecclesia singulis septimanis sollempniter agitur et festiue supplices conuenerint et deuoti Singuli Quadraginta dies de iniuncta eis penitencia dum modo Dyocesani consensus accesserit in domino relaxamus Dat in Erfordia Anno domini Millesimo Ducentesimo Nonagesimo in die s Bonifacii Martyris