Charter Document - 03820007
| Charter Number: | 03820007 |
|---|---|
| Cartulary Title: | Archiv der Erzdiözese Salzburg 1002 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1290 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
Uniuersis Christi fidelibus presentes Litteras inspecturis Nos Bonauentura Ragusinus et Petrus Arborensis dei gratia archiepiscopi Jacobus Treuentinus Marcellinus Turtibulensis Guillelmus Dignensis Theobaldus Canensis Bonusiohannes Esculanus Petrus Tira sonensis Romanus Crohensis Guillelmus Callensis Egidius Vrbinas Valdebrunus Auellonensis et Perronus Larinensis eadem gratia Episcopi salutem sempiternam et fructuosam in domino karitatem Licet is de cuius munere uenit ut sibi a suis fidelibus digne ac laudabiliter seruiatur de habundantia pietatis sue merita supplicum excedens et uota bene seruientibus multo maiora tribuat quam ualeant promereri Desiderantes tamen reddere domino populum acceptabilem fideles Christi ad complacendum ei quasi quibusdam allectiuis muneribus indulgentiis uidelicet et remissionibus inuitamus ut exinde reddantur diuine gratie aptiores Cupientes igitur ut ecclesia beatorum Petri et Pauli apostolorum Salzburgensis Ciuitatis congruis honoribus ueneretur et a cunctis Christi fidelibus iugiter frequentetur Omnibus uere penitentibus et confessis qui ad dictam ecclesiam in festis subscriptis uidelicet Natiuitatis Resurrectionis et Ascensionis D N J Chr atque Pentecostes in quatuor festiuitatibus gloriose Virginis Marie in singulis festiuitatibus Petri et Pauli apostolorum aliorumque omnium coapostolorum beatorum Augustini Ruberti et Virgilij Confessorum in festo omnium sanctorum et in Anniuersario Dedicationis ipsius ecclesie Per octauas festorum dictorum in spiritu humilitatis accesserint aut qui dicte ecclesie pro sua fabrica uel Structura luminaribus ornamentis uel aliis suis necessariis manus porrexerint adiutrices aut in extremis laborantes quicquam suarum legauerint facultatum Nos de omnipotentis dei misericordia et beatorum Petri et Pauli apostolorum eius auctoritate confisi Singuli Singulas dierum quadragenas de iniunctis sibi penitentiis Dummodo consensus diocesani ad id accesserit in domino misericorditer relaxamus In cuius rei testimonium presens scriptum Sigillorum nostrorum Munimine duximus roborandum Datum Rome X Kal April Anno domini Millesimo Ducentesimo Nonagesimo Pontificatus domini Nicolai Pape Quarti Anno Tercio