Charter Document - 03820004
| Charter Number: | 03820004 |
|---|---|
| Cartulary Title: | Archiv der Erzdiözese Salzburg 1002 - 1300 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1278 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolfus dei gracia Romanorum Rex Semper Augustus Vniuersis Imperii Romani fidelibus presentes litteras inspecturis graciam suam et omne bonum Decet munificenciam Regie Maiestatis fidelium suorum deuocionem attendere et eorum seruicia condignis retributionibus compensare Eapropter nosse volumus vniuersos tam posteros quam presentes quod nos grata que discretus vir Chunradus de Himperch Scriba Stirie dilectus fidelis noster nobis et Imperio gratanter inpendit obsequia et adhuc inpendere poterit graciora graciosius attendentes ac perinde cupientes eidem munus inpendere fauoris et gracie specialis Vineam que Ganzz nuncupatur et vineam quandam in Grinczinge quas Baltrammo quondam Ciui Wienensi cum ceteris bonis suis propter indeuocionis sue proteruiam sentencialiter abiudicauimus ac nobis attraximus prefato Scribe donamus simpliciter proprietatis titulo perpetuo possidendas Dantes eidem presentibus plenam et liberam potestatem predictas vineas commutandi vendendi vel ad vsus quoscumque pro suo libito tanquam proprias applicandi In cuius donacionis nostre testimonium presens Scriptum exinde conscribi et Maiestatis nostre Sigillo iussimus communiri Datum Wienne xiiii Kal Junij Indiccione VI Anno Domini MCC octauo Regni vero nostri Anno Quinto