Charter Document - 03820003
| Charter Number: | 03820003 |
|---|---|
| Cartulary Title: | Archiv der Erzdiözese Salzburg 1002 - 1300 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1257 |
| Date type: | Internal, Papal |
| Resource Link(s): |
Monasterium.net |
Charter:
Alexander episcopus seruus seruorum dei Venerabili fratri Archiepiscopo et Dilectis filiis Capitulo Salzburgen Salutem et apostolicam benedictionem Sanctorum meritis inclita gaudia fideles Christi assequi minime dubitamus qui eorum patrocinia per condigne deuotionis obsequia promerentur illumque uenerantur in ipsis quorum gloria ipse est et retributio meritorum Nos igitur ad consequenda predicta gaudia causam dare fidelibus populis cupientes omnibus uere penitentibus et confessis qui ecclesiam uestram in honore sanctorum Ruperti et Virgilij fundatam in eorumdem sanctorum festiuitatibus nec non in Anniuersario dedicationis ipsius ecclesie ac Octo diebus immediate sequentibus annis singulis uenerabiliter uisitarint de omnipotentis dei misericordia et beatorum Petri et Pauli apostolorum eius auctoritate confisi Centum dies de iniunctis sibi penitentiis misericorditer relaxamus Dat Viterbij VI Jd Decembr Pontificatus nostri anno Tercio Sig plumb Alexandri PP IIII