Charter Document - 03810023
| Charter Number: | 03810023 |
|---|---|
| Cartulary Title: | Ardagger, Kollegiat 1049 - 1300 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1296 |
| Date type: | Internal, A.D., Feast |
| Resource Link(s): |
Monasterium.net |
Charter:
Noverint singuli hanc paginam conspecturi quod ego Hermanus permissione divina Ardacensis ecclesie prepositus prenominatas sex urnas vini legavi seu ordinavi capitulo ardacensis ecclesie perpetuo persolvendas hac adiecta conditione sive modo ut predicti fratres ipsius capituli Ardacensis annis singulis in anniversario felicis memorie domini Chonradi comitis silvestris Frisingensis episcopi qui est primo die intrante Martio ipsius memoriam peragentes vigilias et missam pro defunctis debeant illa die cum choro sollempniter decantare quibus exsequiis celebratis ipso die ob anime sue remedium predicte VI urne inter canonicos qui tunc presentes exsequiis interfuerint equaliter dividantur Item legavi et ordinavi capitulo Ardacensi aliquas res mobiles in camera mea pro quibus emeretur per exsecutores ad hoc deputatos aliquod predium de cujus censu consolaretur sacerdos qui in altari S Corbiniani confessoris in basilica saltim bis vel ter in qualibet ebdomada celebraret De predicta pecunia emptum est feodum in Slezpach quod servit V solidos Wiennensium denariorum annuatim Item adieci et deputavi per donacionem causa mortis predicto capitulo Ardacensi post mortem meam sex libras Wiennensium denariorum de domo mea apud Waidhouen quas Ulricus domicellus tunc famulus meus post obitum meum persolvere tenebitur eidem capitulo finaliter ut promisit propter hoc in eadem domo nobis perpetuo cum suis heredibus successurus cum hiis itaque sex libris prefatis capitulum emere debebit ex tunc aliquod prediolum ex quo annuatim in conversione beati Pauli fratres qui presentes illo die fuerint in divinis officiis recipiant consolationem aliqualem Acta sunt hec apud Ardakker anno domini MCCXCVI in die beate Gertrudis