Charter Document - 03810021
| Charter Number: | 03810021 |
|---|---|
| Cartulary Title: | Ardagger, Kollegiat 1049 - 1300 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1293 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ne illa que aguntur in tempore sint labentia cum tempore et ne cum caducis cadant prudentum providit cautela hominum gesta contra oblivionis periculum scripture testimonio reborare Hinc est quod ego Hermannus permissione divina Ardacensis ecclesie prepositus constare cupio tam presentibus quam futuris ad quos pervenerit presens scriptum quod ego huebam meam sitam apud Chalmunz an dem Aigen quam emi cum mea pecunia videlicet pro XXIV libris Wiennensium denariorum legavi disposui ac ordinavi ob remedium anime mee post mortem meam fratribus ac canonicis ecclesie Ardacensis ita videlicet ut postquam me ab hac vita decedere contingat ipsi fratres huebam prefatam cum omnibus juribus et utilitatibus suis ad usus fratrum communes in perpetuum ordinent ac disponant hoc modo apposito et adjecto ut in die nativitatis beate virginis mediam partem omnium proventuum ejusdem huebe qui tunc cellarius fuerit inter canonicos dividat qui fuerint tunc presentes mediam vero partem omnium proventuum de prefata hueba in translatione beati Coirbiniani confessoris atque pontificis distribuat inter canonicos qui missarum solemniis ac aliis horis eodem die solemniter celebrandis interfuerint tunc presentes In cujus rei testimonium presens scriptum mei et capituli duxi Sigillorum munimine roborandum Acta sunt hec anno domini millesimo ducentesimo nonagesimo tercio octavo Kalendis Julii