Charter Document - 03810016
| Charter Number: | 03810016 |
|---|---|
| Cartulary Title: | Ardagger, Kollegiat 1049 - 1300 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1267 |
| Date type: | Internal, A.D. |
| Resource Link(s): |
Monasterium.net |
Charter:
Universis Christi fidelibus hanc paginam inspecturis Fridericus dei gratia prepositus Albertus decanus totumque capitulum Ardacense in uero salutari salutem Quoniam magistri Heinrici de sancta Petronella dilecti nostri concanonici et confratris ordinatio facta de tribus areis hubis decimis pratis ortis et pomariis multum pietatis continet et fauoris vtpote que communem utilitatem capituli et honorem ecclesie respicit Ardacensis eandem ratam habere decrevimus et presentes litteras sigillorum nostrorum munimine dignum duximus confirmandas Acta sunt hec anno incarnationis domini millesimo ducentesimo sexagesimo septimo Hii sunt testes qui intererant Fridericus prepositus Albertus decanus predicti Otto plebanus in Niwenhouen Henricus dictus canonicus Chimradus Verdingus Ulricus plebanus in Muenspach Ulricus de Luechsnik Chunradus regis notarius Johannes Scolasticus canonici Ardacenses Dietricus in Stevenshard Johannes in Ardakker Friedricus in Chalmuenz provisores et alii quam plures