Charter Document - 03810011

In nomine Domini Amen Quia post multos labores et expensas ecclesia Frisingensis et capitulum Ardacense respirare desiderant a lite et in totum desistere super prepositura Ardacensi coram venerabili patre Gebehardo Pataviensi episcopo tanquam ordinario et ejusdem ecclesie capitulo decanus cum capitulo Ardacensi protestatus est in jure et confessus se non habere jus in electione prepositi Ardacensis vel si quid habet aut habuit vel videbatur habere in dicta prepositura sollempniter renunciavit dictus decanus cum ejusdem ecclesie capitulo et illam renuntiationem juramento roboravit sollempni quod in perpetuum recognosceret Geroldo Frisingensi episcopo et omnibus ejus successoribus plenum jus et liberam potestatem eligendi prepositum et conferendi preposituram Ardacensem prefato domino Gebhardo Pataviensi episcopo judice ordinario presente et ejus capitulo ac aliis multis ibidem presentibus Insuper decanus dictus cum suo capitulo Ardacensi juramento etiam sollempniter interposito firmavit quod prenominato episcopo Geroldo Frisingensi et ejus successoribus nunquam in prepositura contradiceret Ardacensi aut contradicentibus consentiret Adjecit etiam suo juramento decanus Ardacensis cum ejus capitulo quod quicunque de cetero fuerit in ecclesia Ardacensi in prepositum aut decanum vel canonicum assumptus idem prestare teneatur juramentum Sed ut ista protestatio et renuntiatio sit in perpetuum valitura rata et illibata et inconvulsa presens pagina sigilli predicti domini Gebhardi Pataviensis episcopi et capituli ejusdem ecclesie nec non Ardacensis capituli communitur Hujus rei testes sunt dominus Otto major prepositus magister Chunradus decanus dominus Kalohus magister Heinricus Zobello dominus Chunradus major plebanus dominus Heinricus de Mistelbach dominus Eberhardus de Johanstorf dominus Siboto magister Albertus de Possenmunster dominus Wilhelmus cantor dominus Albertus custos senior dominus Chunradus custos junior magister Einwicus et alii quam plures Anno incarnationis domini MCCXXIIII in annuntiatione beate virginis anni presentis Acta sunt hec Patavie in choro majoris ecclesie