Charter Document - 03810008
| Charter Number: | 03810008 |
|---|---|
| Cartulary Title: | Ardagger, Kollegiat 1049 - 1300 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1198 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et individue trinitatis Liupoldus dei gratia dux Austrie et Stirie omnibus Christi fidelibus in perpetuum Ne temporum labente curriculo obliuionis dispendia pati possit vel debeat quicquid pio hominum studio factum fuerit vel tractatum nos per presentium continentiam transmittimus notitie modernorum et futurorum quod pietatem et gratiam quam antecessor noster pie memorie dilectissimus frater noster Fridericus illustris dux Austrie fecit ecclesie Ardacensi quod videlicet victualia eiusdem ecclesie ab Austria usque ad predictum locum annuatim ducantur sine mutta nos pro remedio anime nostre et parentum nostrorum eandem suam concessionem ratam habere uolumus et firmam perpetuo eonseruari unde etiam presentem paginam sigilli nostri fecimus munimine roborari et subscribi testes quorum hec sunt nomina Hartnidus prepositus Chalhohus de Valchenstein Chunradus Tumplebanus canonici patavienses Comes Eckebertus de Pernecke et filius eius comes Vlricus Walchunus de Valchenberch et filius eius Rapoto Hademarus de Chunringen Wichardus dapifer Wichardus de Zebingen Irmfridus de Gnanndorf Adeloldus et Hartungus fratres de Chyow Marquardus de Himperch Heinricus de Prunne Rudolphus et Herbordus de Potendorf Heinricus de Pessingen Otto de Waldecke Pernoldus de Augia Gotfridus camerarius et alii plures Acta sunt hec in domo nostra Nivenburch anno incarnationis dominice MCLXXXXVIII