Charter Document - 03810006

In nomine sancte et individue trinitatis Liupoldus dei gratia dux Austrie et Styrie Quoniam ad iudiciarie potestatis sollicitudinem pertinere dinoscitur eis que ad iustitie et rectitudinis obseruationem inducunt diligentiam impendere et indebitos questus que se occasione iuris negotiis immergere solent repellere nos hanc ipsam cautellam iudiciis nostris adhibere cupientes uiolentias et grauamina exactionum precidere et exstirpare intendimus Quapropter iustis ac statutis nostris debitis contenti esse uolentes iustitiam illam de Ardakker quam ecclesia illa et confratres eius in foro et nundinis eiusdem suburbii hoc est in festo sancte Margarete prius habuisse sed postea insolentia preconum et exactorum immutatam et agrauatam esse comperti sumus petitione dilecti nobis prepositi Chonradi Salichint dicti remisimus et renouauimus ita uidelicet ut recepto a nostris dispensatoribus et officialibus uno talento nichil ultra exigatur sed cetera in usus prepositi et fratrum prefati loci cedant Omnem etiam uiolentiam et iniuriam de hoc ipso recognito eis iure inhibemus et iussionis nostre mandato prorsus amovemus Ne ergo de cetero super his ulla oriatur ambiguitas ob firmam diffinite rei cognitionem et perpetuam memoriam retinendam statuimus et auctoritate scripti nostri confirmantes precipimus ut hoc ipsum statutum nostrum nullius unquam presumptione uioletur In hujus etiam rei argumentum presentem paginam conscribi et sigilli nostri impressione roborari iussimus annotatis etiam testibus qui huic nostre ordinationi interfuerunt Dietricus Halgravius Hadmarus de Chunringen Welvingus de Chaphenberch Herrandus de Wildonia Erchengerus de Landesere et frater ejus Rvdolfus Vlricus de Stubenberch Otto de Volchenstorf et alii quam plures