Charter Document - 03810004

Quia labanti memorie nisi scripto subveneris cognita et incognita excidere manifestum est hinc testamentaria subscriptione tam presentibus quam futuris Christi fidelibus mandare curavimus venerabilem huius alme sedis prepositum dominum Oudalricum et sancte ecclesie Pataviensis canonicum et archidiaconum gloriosum ducem Stirie Otacarum nostre advocatum ecclesie adiisse super pressura familie nostre forensiumque qui a prefectis suis hactenus nimis iniuriose patiebantur querellam de promendi quia de quocunque nostri iuris homine suspicio incidisset delicti continuo ad placitum eorundem prefectorum ad examen fluentis aque furum more trahebantur Serenissimus itaque princeps intuitu dilectionis et servitutis amicissimi sui domini nostri prepositi hanc efferam in melius mutavit sententiam decernens ut quicunque nostram adtinentium ecclesiam aliquo pulsaretur crimine exhibitis complicum suorum [testimoniis] hoc absolveretur deinceps incommodo Nundinarum preterea forensium annuatim in festo sancte Margarethe in Ardaker celebrandarum eodem hoc anno quo hec acta sunt ob quorundam Australium mercatorum dissensionem intermissarum amantissimus Christi prepositus noster comminiscens tale meruit apud ipsum principem responsum se super eadem tam insolenti protervia ducem Austrie conventurum et eiusdem solemnitatis defectum perfecte redintegra turum De quadam vero nimis iniuriosa iactura quam fratribus eiusdem loci Poto prefati ducis prefectus irrogaverat de forensi videlicet questu talentum amplius iure usui eorum abrogando dum querimoniam memoratus et sepe rememoratus prepositus Oudalricus movisset inquisitione facta cum non posset in instanti huius actionis veritas indagari strenuissimus principum iam antedictus Odavagar ex consulto deputans ex ministerialibus suis et forensibus nostris precipuis assertores diem prefixit Calendas Septembris ut eo scilicet die coram Liupoldo tunc temporis prefecto in foro nostro tam grandis terminaretur ambiguitas Intererant autem huic tam egregio negotio primum ex ministerialibus qui testes adhibiti sunt Superveniente ergo secundo stipulationis solvende die convenerunt cum prenominato prefecto Liupoldo huic assertioni deputati testatores qui iudiciali obligatione congressi probabiliter asserentes aiebant preter taxatum talentum cetera usui fratrum a prima ecclesie huius institutione cessisse et deinceps sicut sanctum fuerat cedere debere Huic itaque assertioni presidens dominus noster prepositus ipsos assertores et ceteros quam plures qui convenerant testes huic negotio ad plenum terminato providit provisosque suscepit quorum nomina ne posteros lateant et modernis elabantur hic sui ipsissima adnotatione sunt enim hi