Charter Document - 03810001
| Charter Number: | 03810001 |
|---|---|
| Cartulary Title: | Ardagger, Kollegiat 1049 - 1300 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1049 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clementia Romanorum imperator augustus Quoniam ex iure suscepti regni omnibus ecclesiis Romani imperii debitam sollicitudinem debemus impendere volumus unam quamque quantum nobis ex divine gratie munere comeditur procurare et ad dei servitium promovere Unde quidem omnes Christi nostrique tam futuri quam presentes noverint fideles qualiter nos pro anime nostre felicitate et antecessorum nostrorum requie et ob interventum nostri thori ac regni consortis scilicet Agnetis imperatricis auguste et ob devotam servitutem nostri fidelis et dilecti Nitkeri Frisingensis episcopi ad altare sancte Marie semper virginis sanctique Corbiniani confessoris in monasterio Frisinga tale predium quale Ulrich et Ascwin in Ardack in comitatu marchionis Adalberti trans fluvium Ensa habuerunt iure gentium nostre potestati dicatum tradidimus cum omnibus suis pertinentiis cum mancipiis scilicet utriusque sexus areis edificiis agris pratis campis pascuis terris cultis et incultis silvis venationibus aquis aquarumque decursibus molis molendinis piscationibus exitibus et reditibus viis et inviis quesitis inquirendis et omni iure et utilitate que ullo modo poterit provenire ea videlicet ratione et conditione ut prefatus episcopus et sui successores in predicto loco Ardacher clericos seculares ad dei servitium pascant et sustenten regulari prebenda in honorem sancte Margarete virginis et martyris ibidem constitutos et congregatos Et ut hec nostra imperialis traditio stabilis et inconvulsa omni succedentis temporis evo permaneat ideo hoc preceptum inde conscriptum manu propria corroborantes sigilli nostri impressione iussimus insigniri Termini autem prefati predii isti sunt Ab Holesceit usque in Sambach A Sambach usque in Tieufenpach Data VII Idus Januarii anno dominice incarnationis MXLIX indictionis II anno autem domini Heinrici tercii regis imperatoris II ordinatione ejus XX regni quidem X imperii autem III In nomine domini actum Ebersperg feliciter Amen