Charter Document - 03800001

Universis Christi fidelibus presentes litteras inspecturis frater Raymundus miseratione divina Vapincensis frater Romanus Crohensis Waldebrunus Avellonensis et Glavinicensis Leo Chalamonensis Thomas Acerrarum Leotherius Verulanus frater Egidius Turtyburensis et Perronus Larinensis episcopi salutem in domino sempiternam Iuxta psalmiste sacrum eloquium in domum domini letantes ibimus nos igitur ad ingressum huiusmodi domus domini viam salubrem reserares volentes omnibus vere penitentibus et confessis qui capellam beatorum apostolorum Petri et Pauli atque Nicolai episcopi in Gerolting Pataviensis diocesis in nativitate domini in resurrectione ascensione et pentecoste in singulis festis beate Marie virginis in dedicatione capelle predicte in festo beati Michaelis archangeli beati Johannis baptiste beatorum Petri et Pauli apostolorum beati Nicolai episcopi et per octavas festorum omnium predictorum causa devotionis visitaverint vel ad ornamenta prefate capelle sive luminaria manus porrexerint adiutrices aut in extremis laborantes quicquam facultatum suarum legaverint ad eandem seu qui ad ecclesiam vel locum quemcumque pia mente convenerint ubi dilectus in Christo filius [] rector capelle memorate missam sollempnem celebraverit seu dixerit verbum dei de omnipotentis dei misericordia et beatorum Petri et Pauli apostolorum eius patrocinio confidentes dummodo hanc nostram indulgenciam loci diocesanus ratam habere voluerit singuli singulos quadraginta dies de iniuncta sibi penitentia misericorditer in domino relaxamus In cuius rei testimonium sigilla nostra presentibus duximus apponenda Datum Rome anno domini millesimo ducentesimo octuagesimo septimo pridie idus martii pontificatus domini Honorii pape quarti anno secundo indictione XV