Charter Document - 03792013
| Charter Number: | 03792013 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Freedom |
| Date: | 1139 |
| Date type: | Internal |
| Resource Link(s): |
|
Charter:
Stephanus rex Anglorum archiepiscopis episcopis abbatibus comitibus justiciariis baronibus vicecomitibus ministris et omnibus fidelibus suis francis et anglis totius Anglie salutem Sciatis quoniam pro dei amore et animabus patrum et parentum meorum et specialiter regis Henr[ici] domini et avunculi mei et pro salute mea et uxoris et fratrum et filiorum meorum et pro statu et incolumitate regni mei dedi et concessi in perpetuam elemosinam deo et ecclesie sancte Milburge de Wuneloch et monachis de Caritate in ea deo servientibus hanc subscriptam libertatem scilicet quod ecclesia ipsa pro se et pro omnibus hominibus suis et sancte Milburge mittet dapiferum suum vel magistralem servientem suum ad nominatos comitatus et hundreda mea qui ibi audiat precepta mea et cum aliis judicia mea judicet ita quod nemo hominum suorum super hec illuc eat neque ibi respondeat nisi specialiter de aliquo placito sit appellatus quod ad coronam meam pertineat De nullis vero aliis placitis illuc eat vel ibi respondeat nisi per ecclesie prius in curia sua se inde de recto defecerit Et hanc predictam libertatem et omnium rerum quietanciam eis concedo exceptis placitis superius annotatis Et ut hec libertatis mee donatio ecclesie illi in perpetuum integra conservetur presentis sigilli mei inpressione ipsam confirmo et subscriptorum attestatione corroboro Et preter hec omnia supradicta concedo eis quod habeant unam feriam apud Wuneloch ad festum sancti Johannis baptiste per iii dies durantem a vigilia sancti Johannis singulis annis Et volo et firmiter precipio quod omnes homines ad feriam illam venientes in eundo et redeundo et ibi manendo ipsi et omnia sua meam firmam pacem habeant ne super hoc in aliquo injuste disturbentur super x libras foris facture Testibus R[oberto] episcopo Heref et R[ogero] episcopo Cestr et S[imone] episcopo Wirecestr et R[oberto] comite Legr et S[imone] comite Norh et W[illelmo] de Alb pincerna et Mil[one] Gloec et R[oberto] de Ferr et Philippo de Belmeis Apud Brugg in reditu obsidionis Salop anno dominice incarnationis MCXXXIX regni vero mei tercio