Charter Document - 03792006
| Charter Number: | 03792006 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1143 - 1148 |
| Date type: | Assigned |
| Resource Link(s): |
|
Charter:
Stephanus rex Angl[orum] archiepiscopis episcopis abbatibus comitibus baronibus justic[iis] vicecomitibus ministris et omnibus fidelibus suis francis et anglis salutem Sciatis me concessisse et donasse et sigilli mei impressione in perpetuam elemosinam confirmasse deo et ecclesie sancte Trinitatis et sancte Marie Magdalene de Iclituna et sanctimonialibus in eadem ecclesia deo servientibus ecclesiam ejusdem ville cum omnibus appendiciis suis et duas hidas terre de dominio meo unam scilicet in Iclitona et alteram in Brochamtona et mansionem que fuit Ulfonis de Cristeshale in eadem villa et totum dominium meum de Willecroft ad eandem ecclesiam construend[am] Confirmo etiam eidem dimid[iam] hidam terre quam Normannus dedit eidem ecclesie cum duabus filiabus suis in elemosinam Preterea concedo et confirmo eidem ecclesie septem acras terre de dominio meo ante portam earum et feriam apud Iclitonam singulis annis videlicet die festivalis sancte Marie Magdalene et vigil[ie] Quare volo et firmiter precipio quod omnes illuc eundo et redeundo et ibi moram faciendo meam firmam pacem habeant et ne aliquis eis forisfaciat super forisfactur[am] meam Insuper precipio ut prefata ecclesia et sanctimoniales ille teneant et habeant omnes res suas in bosco et in plano in paludibus in pratis in aquis in pasturis cum omnibus libertatibus suis bene et in pace quiete et libere cum soca et saca et tol et tem et infangentheof Testibus Matild[a] regina Nigell[o] Eliensi episcopo Ascelino Rouecestr episcopo Baldrico de Sigill[o] Rob[erto] de Ver Willelmo Martell Ric[ardo] de Canvilla Fulco Doili Gaufrid[o] Pited Rog[ero] Burnard [et plures alii] Apud Waleden