Charter Document - 03791144
| Charter Number: | 03791144 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | English |
| Charter Origin: | Religious |
| Charter Type(s): | Decree |
| Date: | 1138 - 1154 |
| Date type: | Assigned |
| Resource Link(s): |
|
Charter:
S þurh godes geuu Eanglandes kining grete ealle mine biscopes and ealle mine eorles and ealle mine scirgereuan and ealle mine ðegenes frencisce and anglisce on þan sciran þe Ðeobald arcebiscop and se hired at Christescyrcen on Cantwarabirig habbað landes inne freondlice And ic cyþe eow þæt ic habbe heom geunnan þæt hi bion alc þare lande wurþe þe hi hefdon on Eadwordes kinges dæge mines mæges and on Willelmes kinges dæge mines ealdefader and on Henries kinges dæge mines eames and saca and socne on strande and on streame on wudan and on feldan tolnes and teames griðbreces and hamsocne forestalles and infangenesþeofes and flæmenefermðe ofer heore ægene men bennien burgan and buton swa fubb and swa forð swa mine ægne wicneres hit secan scoldan and ofer swa fela þegena swa ic heom to gelætan habbe and ic nelle þæt anig man anig þing þer on tyo buton hi and heore wicneres þe hi it betæcen willað ne Frencisce ne Eanglisce for þan þingan þe ic habbe Christe þas gerihte forgeuen minre sawle to æcere alysednesse eal swa Eadward kining and mine ealdefader and mæin eam ær hæfden and ic nelle geþavian þæt ani man þis tobrece bi minan fullan freondscipe God eow gehealde
Source (click image below to view full size)
