Charter Document - 03791006
| Charter Number: | 03791006 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1146 |
| Date type: | Internal |
| Resource Link(s): |
|
Charter:
Quecumque larga fidelium disponit caritatis benignitas ut certius et ueracius ad posterorum perveniant memoriam opportet ea scripto commendare eiusque patrocinio roborari Quapropter ego G[aufridus] dux Normannorum et comes Andegavorum omnibus tam futuris quam presentibus et qui litteras istas viderint audierint vel legerint notum et certum fieri volo quod quedam pax et concordia facta est et firmata inter me et Fulconem abbatem de Oratorio ejusdemque coenobii monachos de quadam controversia que inter nos exorta erat de quibusdam videlicet mediet ariis suis de Curneiaco et de burgo Sancti Nicholai Cenomannis quas Fulco comes pater meus et Eremburgis comitissa mater mea ecclesie de Oratorio in elemosina dederunt Audieram siquidem per abbatem Cisterciensem quod monachi illius religionis mediet arias illas et burgum secundum ordinis sui instituta legitime tenere non poterant sed ne eis viderer iniurius consilio meorum usus hominum pro animabus patris et matris mee que in eadem ecclesia iacet sepulta et antecessorum meorum necnon et mea consideravi et disposui quod predicto abbati et monachis pro eisdem mediet ariis et burgo singulis annis de justis redditibus meis Cenomannis viii libras Cenomannensis monete in Natali Domini totas in simul reddendas ad luminare ecclesie de Oratorio faciendum darem et persolverem Hac itaque facta conventione et utrinque concessa prescriptus abbas et monachi burgum et medietarias ad voluntatem meam faciendam in manu mea miserunt et dimiserunt Ego vero easdem mediet arias Fulconi de Cleers [eiusque heredibus post ipsum] pro suo servitio dedi habendasque concessi pro quo dono ipse meus liges homo factus est perpetuamque stationem apud castrum Selonie inde faciendam spopondit Et ut hec concordia et conventio per succedentia tempora rata sit et inviolabilis permaneat presentes litteras inde fieri easque sigilli mei attestatione muniri precepi Hoc autem factum est in Cenomanensi civitate me presente videntibus et audientibus Guillelmo tunc temporis ejusdem urbis episcopo Roberto Bugerico cantore Philippo archidiacono Bugerico notario meo Burgundio senescallo Cenomannis Boterio pincerna meo Cenomannis fealiter Hugone de Cleers senescallo de Fissa Philippo de Pontoino Radulfo de Rivellone Gosleno de Turone tunc impense mee administratore Pagano Nardoc villico Cenomannis Pagano Malo cane custode turris Cenomannis Gofredo Durandi camerario Gisleberto gardarobam [Pro hoc itaque pacto confirmando et huius rei concessione firmiter stabilienda advenerunt in capitulo Oratorii Gaufridus de Cleers Hugo frater eius senescallus de Fissa predictus Fulco frater eorundem Quibus ibidem residentibus domnus Fulco primus abbas supradicti monasterii Oratorii cum monachis ejusdem coenobii Fulconi de Cleers supradictas mediet arias de Curneiaco nullo resistente concessit Huius rei testes sunt fratres ejusdem Fulconis Gaufridus scilicet de Cleers Hugo senescallus de Fissa necnon et alii Renaudus de Sot Suart de Colunge Renaudus de Polers Matheus de Cleers Gaufridus de Courlion] Facta est autem hec cartula iussu G[aufridi] suprascripti principis anno uerbi incarnati MCXLVI domno Eugenio Cisterciencis religionis monacho papa Ludovico rege francorum anno quo cum aliis viris illustribus crucem sumpsit Hugone metropolitano Turonis Ulgerio Andegavorum episcopo Guillelmo Cenomannis presule Gaufrido Normannorum duce et Andegavorum comite Reinardo Cisterciensi abbate Fulcone Oratorii patre Amen