Charter Document - 03791002
| Charter Number: | 03791002 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1144 - 1149 |
| Date type: | Assigned |
| Resource Link(s): |
|
Charter:
Ego Gofridus dux Normandie et comes Andegavie filius Fulconis regis Jerusalem volo notum fieri tam futuris quam presentibus me dedisse et concessisse et presenti [carta] confirmasse clericis meis de Sancto Laudo Andegavensi omnes possessiones et omnia dona et tenementa que antecessores mei comites ecclesie Sancti Laudi et eis dederunt et omnia que ipsi ad opus ecclesie adquirere poterunt cum omni libertate et omni quietantia sine aliqua costuma alicui reddenda cum sanguine et latrone cum incendio et raptu et murtro et cum omni dominio integre et cum omni honore et etiam cum fodrio meo et cum vinagio illarum vinearum omnium que remanebunt ad usum clericorum in ecclesia illa deservientium Hec inquam dono ecclesie Sancti Laudi et clericis in feodo et casamento sicut ego melius et liberius teneo terram meam cum hominibus omnibus villis et terris vineis aquis pratis et molendinis cum bosco et plano cum viis et semitis et cheminis Quare volo et precipio quod canonici nulli respondeant de possessionibus suis nisi in presentia mea aut in presentia comitum Andegavie mihi succedentium Ecclesia enim Sancti Laudi supra omnes alias mei iuris est et antecessorum meorum et ad Andegavie comites hereditario jure pertinet Et comites Andegavie sunt domini et abbates illius et specialiter est statutum sicut illa cuius bona temporalia in vita et spiritualia etiam post mortem sine fine possidebunt Actum apud Andegavum in thalamo meo Testes fuerunt Rainaldus de Castragonterii Rainaldus Ruffus Gaufridus et Hugo et Fulco de Durico Gorronius et Fulco camerarii Pipinus de Turone et Josleno de Turone de canonicis vero ecclesie Normannus decanus Hugo de Carnoto Gauffridus Manerii Girardus de Belloforti Giraldus de Daulcis Andreas Cadaver Ganguenon Petrus Brito et plures alii