Charter Document - 03790997
| Charter Number: | 03790997 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1153 - 1154 |
| Date type: | Assigned |
| Resource Link(s): |
|
Charter:
H[enricus] dei gratia dux Norm[annorum] et Aquitanie et comes And[egavorum] omnibus archiepiscopis episcopis abbatibus consulibus baronibus justiciis vicecomitibus et omnibus fidelibus et amicis suis francis et anglicis salutem Notum fieri volo omnibus tam futuris quam presentibus me pro dei dilectione et pro salute mea et meorum antecessorum ecclesie Beati Augustini de Bristou et canonicis regularibus ibidem deo servientibus inperpetuum elemosinam dedisse et concessisse Asseleswrþam juxta Glocest[riam] cum omnibus pertinentiis suis in bosco et plano in aquis in pratis in pascuis in essartis in viis in semitis cum omnibus libertatibus et consuetudinibus suis quas habebat in tempore Henrici regis avi mei Quare volo et precipio ut in perpetuam elemosinam prefatam villam habeant et teneant sine vexatione et inquietudine et calumpnia et sine omni exactione sicut liberam elemosinam Et sciatis quod villa predicta antea fuerat membrum manerii mei Berkelaii donec eam prefate ecclesie dedi []