Charter Document - 03790955

Charter Document - 03790955


Charter Number: 03790955
Cartulary Title: Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster]
Charter Language: Latin
Charter Origin: Royal
Charter Type(s): Confirmation
Date: 1135 - 1141
Date type: Assigned
Resource Link(s):

Charter:

Steph[anus] dei gratia rex Angl[orum] episcopis comitibus vicecomitibus et omnibus baronibus et omnibus ministris ac fidelibus suis francis et anglis per totam Angliam salutem Sciatis me concessisse deo et Sancto Petro et Henrico Wintoniensi episcopo fratri meo et priori monachisque ejusdem ecclesie libertatem in omnibus rebus suis et omnes consuetudines quas a tempore regis Edwardi eadem ecclesia habuit tempore Willelmi avi mei et Willelmi et Henrici avunculorum meorum in terris scilicet et aquis pratis et pascuis in silvis et omnibus aliis rebus que ad eandem ecclesiam pertinere noscuntur Concedo etiam sace et socne et toll et team et passagium inter civitatem et extra forsteall et infangenetheof hamsocne et mundbryce et omnes foris facture parvas et magnas ita penitus liberas sicuti eas melius et liberius habuit una die et nocte tempore anteriorum regum et episcoporum Prohibeo quoque ne quisquam ex hiis que ad eandem ecclesiam jure pertinent aliquid diripere audeat vel in terris vel in hominibus vel in ceteris omnibus rebus Quod si aliquis temere fecerit jubeo sibi super omnibus que possidet ut intra trium dierum et noctium spatium restituatur Si non restituerit precipio vicecomiti meo in cuius vicecomitatu hec in justicia facta fuerit ut omnem penitus pecuniam eius pro hac forisfactura ad opus meum in misericordia mea saisiri faciat T[este] Alberico de Ver