Charter Document - 03790948
| Charter Number: | 03790948 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Restoration |
| Date: | 1136 |
| Date type: | Assigned |
| Resource Link(s): |
|
Charter:
S[tephanus] rex Anglorum archiepiscopis episcopis abbatibus comitibus baronibus et omnibus fidelibus suis per Angliam constitutis salutem Sciatis quoniam reddidi et concessi deo et ecclesie sanctorum apostolorum Petri et Pauli et Sancti Swithuni Wintonie et Henrico episcopo et omnibus successoribus eius in perpetuam elemosinam pro redemptione amine Willelmi regis avi mei et regum Willelmi et Henrici avunculorum meorum et pro salute mea et Mathildis uxoris mee et filiorum et fratrum meorum manerium de Weregrave cum ecclesiis et capellis et omnibus eius appendiciis tanquam ea que ab antiquo jure Wintoniensis erant ecclesie et que Willelmus rex avus meus ab eadem abstraxit ecclesia Quare volo et precipio quod predicta Wintoniensis ecclesia et Henricus episcopus et omnes eius successores teneant manerium predictum cum omnibus que ei pertinent in bosco et plano in pratis et pasturis in aqua et extra in via et semitis in omni loco et omni re cum soca et saca et toll et them [et] infangenet[h]eof et cum omnibus libertatibus et consuetudinibus cum quibus Wintoniensis ecclesia prefata liberius tenet alias tenuras suas Et ut ista ecclesie prefate integra inconcussaque in eternum permaneant presentis sigilli mei impressione et proprie manus mee subscriptione confirmo et regia auctoritate et a deo michi collata potestate corroboro Apud Westmonasterium anno incarnationis dominice MCXXXVI regni vero mei primo + Signum regis Stephani + Signum Matildis regine + Signum Eustachii filii regis + Signum Roberti comitis Gloecestrie + Signum Rogeri cancellarii + Signum Henrici nepotis regis + Signum Rannulfi comitis Cestrie + Signum Roberti comitis Legrecestrie + Signum Willelmi archiepiscopi Cantuariensis + Signum Turstani archiepiscopi Eboracensis + Signum Rogeri Saresberiensis episcopi + Signum Alexandri Lincolniensis episcopi + Signum Nigelli Eliensis episcopi + Signum Simonis Wirecestrensis episcopi + Signum David Sancti David episcopi + Signum Rogeri Cestrensis episcopi + Signum Willelmi Martel dapiferi + Signum Alberici de Ver camerarii + Signum Roberti de Ver constabularii + Signum Roberti de Oilli conestabularii + Signum Roberti de Ferrariis + Signum Gaufridi de Manneuilla + Signum Hamonis de Sancto Claro + Signum Rogeri de Valoniis