Charter Document - 03790947
| Charter Number: | 03790947 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Restoration |
| Date: | 1136 |
| Date type: | Assigned |
| Resource Link(s): |
|
Charter:
S[tephanus] rex Anglorum archiepiscopis episcopis abbatibus comitibus justiciis vicecomitibus baronibus et omnibus fidelibus suis totius Anglie salutem Quoniam nostrum est peccata predecessorum et maxime patrum nostrorum elemosinis et aliis beneficiis redimere ego Stephanus rex Anglorum et dux Normannorum pro redemptione anime Willelmi regis avi mei et regum Willelmi et Henrici avunculorum meorum et pro salute mea et Matildis uxoris mee et filiorum et fratrum meorum et pro statu et incolumitate regni mei reddidi et concessi in perpetuam possessionem deo et ecclesie sanctorum apostolorum Petri et Pauli et Sancti Swithuni Wintoniensis et Henrico episcopo et omnibus successoribus eius manerium de Meonis cum ecclesiis et capellis et omnibus appendiciis eius tanquam ea que de antiquo jure ejusdem fuerunt ecclesie et que avus meus prefatus Willelmus rex ab eadem abstraxit ecclesia Quare volo et precipio quod predicta ecclesia et omnes ipsius ecclesie futuri pontifices teneant manerium supradictum cum omnibus que ei pertinent in bosco et plano in pratis et pastura in aqua et extra in via et semitis in omni loco et omni re cum soca et saca et toll et theam et infangenet[h]eof et omnibus libertatibus aliis et consuetudinibus cum quibus pretaxata Wintoniensis ecclesia liberius tenet alias teneduras suas Et ut hec redditio et concessio mea predicte ecclesie integra inconcussaque remaneat presentis sigilli mei impressione et subscriptorum attestatione confirmo et corroboro Apud Westmonasterium anno incarnatioms dominice MCXXXVI + Signum Stephani regis + Signum Mathildis regine + Signum Eustacii filii regis Stephani + Signum Roberti comitis Glocestrie + Signum Ranulfi comitis Cestrie + Signum Simonis de Siluanecti + Signum Roberti comitis Legrecestrie + Signum Rogeri cancellarii + Signum Rogeri de Fiscanno + Signum Willelmi Cantuariensis archiepiscopi + Signum Turst[ani] Eboracensis archiepiscopi + Signum Rogeri Saresberiensis episcopi + Signum Alexandri Lincolniensis episcopi + Signum Nigelli Eliensis episcopi + Signum Rogeri Cestrensis episcopi + Signum Safridi Cicestrensis episcopi + Signum Ebr[ardi] Norwycensis episcopi + Signum Adel[ulfi] Carliolensis episcopi + Signum Roberti filii Ricardi dapiferi + Signum Roberti de Ver conestabularii + Signum Alberici de Ver camerarii + Signum Roberti de Ferrariis baronis + Signum Gaufridi de Magnavilla + Signum Hamonis de Sancto Claro + Signum Rogeri de Valoniis + Signum Willelmi de Montef[orte] + Signum Roberti de Oilli