Charter Document - 03790941
| Charter Number: | 03790941 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Quittance |
| Date: | 1151 - 1152 |
| Date type: | Assigned |
| Resource Link(s): |
|
Charter:
Stephanus dei gratia rex Anglorum archiepiscopis episcopis abbatibus justiciis comitibus vicecomitibus baronibus ministris et omnibus fidelibus suis francis et anglis totius Anglie salutem Sciatis me imperpetuum concessisse et dedisse ecclesie Sancti Petri Westmonasterii et monachis ibidem deo servientibus quod manerium suum de Patriceseie cum pertinentiis eius sit quietum de omnibus geldis et danegeldis et murdris et assisis et auxiliis justiciarum et vicecomitum et ab omni exercituum expeditione et castellorum operatione et pontium refectione et ex omnibus aliis exactionibus et consuetudinibus et servitiis michi et ministris meis pertinentibus per quietantiam xxviii hidarum Et de xliii hidis que inde requirebantur ad geldum clamo quietam ecclesiam predictam Sancti Petri et monachos et manerium prescriptum imperpetuum Et similiter imperpetuum clamo eidem ecclesie Beati Petri et monachis ibidem deo servientibus vi hidas et dimidiam hidam in manerio Westmonasterii in quo ecclesia predicta sita est quietas ab omnibus exactionibus suprascriptis et consuetudinibus michi et ministris meis pertinentibus quoniam curia et domus regie in fundo illo consistunt et infirmaria Sancti Egidii fundata est et in manerio de Hanewella unam virgatam terre ad ecclesiam ejusdem manerii pertinentem quietam ab omnibus secularibus exactionibus et servitiis Quare volo et firmiter precipio quod predicta ecclesia et monachi et manerium de Patriceseia cum pertinentiis suis sit quietum imperpetuum per suprascriptam quietantiam videlicet xxviii hidarum et quod ecclesia predicta et monachi in manerio Westmonasterii quietantiam sex hidarum et dimidie hide et in manerio de Hanewella quietantiam unius virgate terre finaliliter possideant in perpetuam elemosinam pro salute anime mee et Matildis regine uxoris mee et liberorum meorum et pro anima regis Henrici avunculi mei et pro animabus aliorum predecessorum meorum regum Anglie omniumque fidelium Insuper per tremendum dei judicium contestor omnes successores meos reges necnon et optimates ne hanc concessionis mee et donationis libertatem ullo tempore in aliquo infringere presumant immo augeant et custodiant et manuteneant sicut predicte ecclesie et monachis illam concedo et presenti carta confirmo et sicut voluerint in die judicii animas suas salvari Testibus Theobaldo archiepiscopo Cantuariensi Anglie primate et apostolice sedis legato Roberto abbate Sancti Albani Daniele abbate de Holmo Ricardo de Lucy Baldrico de Sigillo Roberto de Valderi Osberno Martell Rogero Burun Widone filio Tescii Geruasio de Cornhell Johanne filio Radulphi Apud Sanctum Albanum