Charter Document - 03790940
| Charter Number: | 03790940 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Quittance |
| Date: | 1151 - 1152 |
| Date type: | Assigned |
| Resource Link(s): |
|
Charter:
Stephanus rex Anglie archiepiscopis episcopis abbatibus justiciis comitibus vicecomitibus baronibus ministris et omnibus fidelibus suis francis et anglis totius Anglie salutem Sciatis me inperpetuum concessisse et dedisse ecclesie Sancti Petri Westmonasterii et monachis ibidem deo servientibus quod manerium suum de Patriceseie cum pertinentiis eius sit quietum de omnibus geldis et danegeldis et murdris et assisis et auxiliis justiciarum et vicecomitum et ab omni exercituum expeditione et castellorum operatione et pontium refectione et ex omnibus aliis exactionibus et consuetudinibus et servitiis michi et ministris meis pertinentibus per quietantiam xxviii hidarum Et de xliiii hidis que inde requirebantur ad geldandum clamo quietam ecclesiam predictam Sancti Petri et monachos et manerium prescriptum in perpetuum Quare volo et firmiter precipio quod predicta ecclesia et monachi et manerium de Patriceseia cum pertinentiis suis sit quietum in perpetuum per suprascriptam quietantiam videlicet xxviii hidarum et quod ipsam quietantiam finabiliter possideant in perpetuam elemosinam pro salute anime mee et Mathildis regine uxoris mee et liberorum meorum et pro anima regis Henrici avunculi mei et pro animabus aliorum predecessorum meorum regum Anglie omniumque fidelium Insuper per tremendum dei judicium contestor omnes successores meos reges necnon et optimates ne hanc concessionis mee et donationis libertatem ullo tempore in aliquo infringere presumant immo augeant et custodiant et manuteneant sicut predicte ecclesie et monachis illam concedo et presenti carta confirmo et sicut voluerint in die judicii animas suas salvari T[estibus] Teodb[aldo] archiepiscopo Cant[uariensi] Angl[ie] primate et apostolice sedis legato Rob[erto] episcopo Linc[olniensi] Rob[erto] abbate Sancti Albani Daniel[e] abbate de Hulmo Ricard[o] de Luci Baldrico de Sigill[o] Rob[erto] de Valderi Osb[er]no Martell[o] Rog[ero] Burn[ell] Widone filio Tescii Geruasio de Cornehell[e] Joh[ann]e filio Rad[ulfi] Apud Sanctum Albanum