Charter Document - 03790939

S[tephanus] rex Angl[orum] archiepiscopis episcopis abbatibus justiciis comitibus vicecomitibus baronibus ministris et omnibus fidelibus suis francis et anglis totius anglie salutem Sciatis me inperpetuum clamasse quietas deo et ecclesie Sancti Petri Westmonasterii et monachis ibidem deo servientibus vi hidas et dimidiam hidam in eodem manerio Westmonasterii in quo ecclesia predicta sita est de omnibus geldis et danegeldis et murdris et assisis et auxiliis justiciarum et vicecomitum et ab omni exercituum expeditione et castellorum operatione et pontium refectione et de omnibus aliis exactionibus et consuetudinibus et servitiis mihi et ministris meis pertinentibus quoniam curia et domus regie in fundo illo consistunt et infirmaria Sancti Egidii in eodem fundata est Quare volo et firmiter precipio quod ecclesia predicta Sancti Petri et monachi quietantiam vi hidarum et dimidie hide finabiliter possideant in perpetuam elemosinam pro salute anime mee et Mathildis regine uxoris mee et liberorum meorum et pro anima regis Henrici avunculi mei et pro animabus aliorum predecessorum meorum regum Anglie omniumque fidelium Insuper per tremendum dei judicium contestor omnes successores meos reges necnon et optimates ne hanc concessionis mee et donationis libertatem ullo tempore in aliquo infringere presumat immo augeant et custodiant et manuteneant sicut predicte ecclesie et monachis illis concedo et presenti carta confirmo et sicut voluerint in die judicii animas suas salvari T[estibus] Theodb[aldo] archiepiscopo Cant[uariensi] Anglie primate et apostolice sedis legato Rob[erto] episcopo Linc[olniensi] Rob[erto] abbate Sancti Albani Daniel[e] abbate de Hulmo Ric[ardo] de Luci Baldrico de Sigill[o] Rob[erto] de Vald[ar]i Osb[er]to Martell[o] Rog[ero] Burn[ell] Widon[e] filio Tescii Geru[asio] de Cornh[elle] Joh[ann]e filio Rad[ulfi] Apud Sanctum Albanum