Charter Document - 03790929

Stephanus dei gratia rex Anglorum archiepiscopis episcopis abbatibus comitibus vicecomitibus omnibusque baronibus ac ministris suis francis et anglis per Angliam salutem Sciatis communiter me pro redemptione anime mee et patris et matris mee necnon et beate memorie regis Eadwardi cog[nati mei qui avum meum] liberosque illius in regnum suum adoptiuos heredes instituerat accepisse in manu mea et defensione totum honorem ecclesie Sancti Petri Westmon[asterii] In qua ecclesia ego oleo sancte unctionis sicut et ceteri ante me [reges perunctus quia] ille locus antiquitus regum consecrationis fuisse cognoscitur et corona regni a deo per pontificales manus celebriter coronatus sum et in cuius etiam predicte ecclesie mat[er]no ut[er]o corpus d[omini ac] predecessoris nostri et prefati regis Eadwardi refotum sepulture requie ut cernim[us] requiescit per q[uem] nempe me in regimen regni Anglie sublimatum fore cognosco Inprimis itaque predictam ecclesiam ita liberam et quietam ac expeditam esse volo tam ab omni exactione episcopali quam a seculari sicut [per summorum] pontificum Johannis Leonis ac Nicholai auctoritatem et per cartam regis Eadwardi cognati mei necnon et Willelmi avi mei aliorumque regum constat fuisse confirmatum liberamque electionem ejusdem ecclesie monachis abbates idoneos ex sua vel ex alia congregatione eligendi [sicut illis antiquitus] concessum est concedo et ne aliquis eis vim vel violentiam inferat vel infer[re presumat] potestate regia defendo Cuncta siquidem q[ue] iddem monasterium [a sui principio usque] ad presens concessione atque oblatione [fidelium] optinuit vel in futurum optinebit [concedendo] devotus constituo necnon et omnes donationes terrarum vel ecclesiarum vel aliarum rerum [que ibi ab ante]cessoribus meis [regibus seu a quibuscumque ante me] donate sunt seu et illas quas vel ego vel [optimates mei] vel quilibet de civibus Lu[ndonie] donaverant tam terras quam consuetudines [et omnia jura qualiumcumque causarum in omnibus terris et possessionibus] que vel in Lund[onia vel in aliis quibuscunque locis] predicto monasterio adiacent vel addiciende sunt concedo atque confirmo Huic libertati etiam additamentum dono [scilicet mu]ndbryce [miskenninge sceawinge hlastinge fridlisocne] flemenesfirmth[e] westgeltheof [uthleap] forhpheang vihpheang [ferdwite fithwite blodwite] weardwite [hean]gwite h[amsocne for]steal infangenetheof sake socne [toll et team aliasque omnes leges et consuetudines que ad me pertinent] Privilegia itaque antiquorum regum aliorumque fidelium ibidem data ex nomine Sancte Trinitatis et sanctorum omnium nostraque regia potestate confirmo atque concedo et firmiter precipio ut Sanctus Petrus et monachi ejusdem ecclesie bene et in pace et quiete et honorifice in urbe et extra et in omnibus locis teneant omnes terras suas et homines et omnia sua libera ab omni regia consuetudine et ab omni collectione [census qui] geld vel danegeld seu scot anglice nominantur Insuper etiam eos quietos clamo ab omnibus placitis et querelis et sciris et hundredis et auxiliis vicecomit[is] et ab omnibus rebus et occasionibus et ab omni castelli seu quocunque opere servili et legibus et consuetudinibus que ad me pertinent Si enim placitum de murthro vel latrocinio terre sue evenerit sic placitet inde et in illis locis sicut carta [predicti regis] Eadwardi testatur et precipit similiter et de omnibus aliis placitis Defendo etiam et pleniter prohibeo ne unquam graventur ullis oneribus neque ullus eis molestus sit neque archiepiscopus vel [episcopus sive comes neque vice]comes nec aliquis alius in aliquo de omnibus que ecclesie illius sunt vel de ecclesiis terrarum [pre]fati loci se penitus intromittat nisi consensu omnium fratrum ad utilitatem ecclesie Sitque hec sancta [mater ecclesia peculiaris patroni] nostri Beati Petri libera et absoluta ab omni inuasione et inquietudine omnium [hominum] cuiuscunque ordinis vel potestatis sint Et ut breviter pleniusque omnia concludam quic[quid honoris quicquid quietati]onis vel libertatis seu etiam dignitatis prefate ecclesie et monachis ab antiquis regibus et beate memorie rege Edwardo atque auo meo ceterisque fidelibus est concessum [insuper et auctoritate apostolica Ro]manorum predictorumque pontificum est confirmatum melius et firmius mee confirmationis dono nunc habeant Concedo etiam et confirmo ecclesie prefate omnes leges libertates et consuetudines que regii iuris et regie potestatis esse dinoscuntur sicut bone memorie rex Henricus avunculus meus eidem ecclesie concessit et carta sua confirmavit Contestor autem omnes filios heredes scilicet et omnes posteros meos sicut et avus meus nos contestatus est per tremendum judicium dei ne ipsi faciant vel fieri sinant ullam infractionem huic nostre donationi immo augeant confirment et stabiliant illam ita ut deus stabiliat dies et regnum illorum in eterna beatitudine et habeant partem in hac nostra elemosina nobiscum in eterna requie T[estibus] Theodbaldo archiepiscopo Cant[uariensi] Henrico episcopo Wint[oniensi] Roberto episcopo Hereford[ensi] Rog[ero] episcopo Saresb[eriensi] Alexandro episcopo Linc[olniensi] Nig[ello] episcopo Eliens[i] Eluerardo episcopo Norwic[ensi] Gwaleranno comite de Mell[ento] Willelmo comite de Guarenn[a] Gileberto comite de Penbroc Alberico de Ver Roberto de Ver Hug[one] Bigot Willelmo Martell Ricardo de Luci et multis aliis