Charter Document - 03790909
| Charter Number: | 03790909 |
|---|---|
| Cartulary Title: | Regesta Regis Stephani ac Mathildis Imperatricis ac Gaufridi et Henrici Ducum Normannorum, 1135-1154 [Westminster] |
| Charter Language: | Latin |
| Charter Origin: | Royal |
| Charter Type(s): | Record |
| Date: | 1154 - 1159 |
| Date type: | Assigned |
| Resource Link(s): |
Archives départementales de Seine-Maritime - 18 HP 1/05 |
Charter:
Matill[idis] imperatrix H[enrici] regis filia archiepiscopis episcopis abbatibus comitibus justiciis baronibus vicecomitibus ministris et omnibus fidelibus suis Anglie et Normannie tam presentibus quam futuris salutem Sciatis me et H[enricum] regem filium meum fundasse abbatiam Sancte Marie de Voto de ordine Cisterciensi pro amore dei et pro anima H[enrici] regis patris mei et G[alfridi] comitis Andegavensis domini mei et M[atildis] regine matris mee et pro animabus antecessorum et aliorum parentum nostrorum et pro salute nostra et heredum nostrorum et pro stabilitate et pace Anglie et Normannie Et huic abbatie et monachis in ea deo servientibus dedimus in perpetuam elemosinam et confirmavimus totam vallem inter Insulambonam et Boleb[ec] in qua ipsa fundata est et in foresta Fiscanni octingentas acras terre et Bellum Faiellum et boscum sicut via Gyreville dividit que dirigitur per vallem que vocatur Magnavallis usque ad Tyliam Anlupi Cuius totius terre divise sunt iste vallis p[re]dicta vallis de Casa Orgri vallis de Sturnello usque ad Cantelupum et exinde per vallem que dicitur vallis Sequane usque ad calceia[m] que est in divisis de Theoboutot et sicut termini Gyreville dividunt usque ad supradictam viam Insuper concedimus eis et in elemosinam perpetuam confirmamus in utraque foresta id est Insulebone et Fiscanni omnia aisiamenta sua cum omnimoda libertate pasnagii et pasture et ligna et materiem ad domos suas faciendas et ad alias res usui suo necessarias Preterea concedimus eis et confirmamus omnes donationes que eis rationabiliter facte sunt sicut carte donatorum testantur ex dono W[alteri] comitis Giffardi unum pondus salis apud Luram singulis annis ex dono G[aleranni] comitis Mell[enti] totam Haiam Linthot cum omnibus pertinentiis suis Et quecumque de cetero juste et rationabiliter adquirere poterunt eis concedimus et confirmamus Quare volumus et firmiter precipimus ut abbatia predicta et monachi in ea deo servientes hec omnia predicta habeant et in perpetuam elemosinam teneant in pace et libere et quiete et integre et honorifice cum omnimodis libertatibus et quietantiis suis de thelon[eis] et passagiis et assisis et omnibus aliis consuetudinibus nobis pertinentibus T[estibus] H[ugone] archiep[iscop]o Rothom[agensi] Phil[ippo] Baioc[ensi] Arn[ulfo] Luxou[iensi] Rotr[odo] Ebroic[ensi] episcopis G[alerano] com[ite] Mell[enti] Walt[ero] com[ite] Giff[ard] Rob[erto] d[e] Novoburgo God[ardo] d[e] Vals W[illelmo] de Herl[ouins] Ap[ud] Rothomagum